Bangladesh tour of Sr Lanka 2019 Featured Media Centre News

ලංකාව දුන් පහසුකම් ගැන බංග්ලාදේශ නායකයාගෙන් වර්ණනාවක්

ක්‍රිකට් ක්‍රීඩා කිරීම සඳහා ශ්‍රී ලංකාව යනු නිරන්තරයෙන්ම සුන්දර රටක් බව පවසන බංග්ලාදේශ ක්‍රිකට් නායක ටමීම් ඉක්බාල්, එම සුන්දර රටේ පැවැත්වෙන තරග 3 කින් සමන්විත එක්දින ක්‍රිකට් තරගාවලියට සහභාගිවීම කණ්ඩායමේ කිසිවකුත් ප්‍රතික්ෂේප නොකළ බව සඳහන් කර සිටියේය.

ඉකුත් පාස්කු ඉරිදා දින ශ්‍රී ලංකාවේ ස්ථාන කීපයක් ඉලක්ක කරගනිමින් එල්ල වුණු බෝම්බ ප්‍රහාරවලින් අනතුරුව සංචාරයට නුසුදුසු රටක් ලෙසින් ජාත්‍යන්තරය විසින් ශ්‍රී ලංකාව හඳුන්වනු ලැබීය. එවන් තත්ත්වයක් යටතේ ජාත්‍යන්තර තරගාවලියකට සහභාගිවීම සඳහා ශ්‍රී ලංකාවට පැමිණි පළමු රට බවට බංග්ලාදේශය පත් වූ අතර අදාළ සංචාරයට සහභාගිවීම වීම පිළිබඳව ක්‍රීඩකයන් දරන ලද ආකල්පය කෙසේද යන්න පිළිබඳව කරන ලද විමසීමේදී  බංග්ලාදේශ නායකයා ඉහත අදහස් පළ කර සිටියේය.

“ඇත්තටම පළමුවෙන් මම ශ්‍රී ලංකා ක්‍රිකට් ආයතනයට ස්තූතිවන්ත වෙනවා මේ තරගාවගියෙදි අපිට ලබා දී තියෙන ආරක්ෂාව සහ පහසුකම් සම්බන්ධව. අවුරුදු ගාණක් කළින් නොවෙයි මෑතකදී අපිත් මේ වගේම ආරක්ෂාව සම්බන්ධව ගැටළුවකට මුහුණ දීලා හිටපු වෙලාව ශ්‍රී ලංකාව අපේ රටට ඇවිල්ලා ලස්සන ක්‍රිකට් තරගාවලියකට ක්‍රීඩා කළා. ඒකෙන් අපිට අපේ ක්‍රීඩාව රැක ගන්න හැකියාව ලැබුණා” යැයි ඉක්බාල් පවසයි.

ස්ථීර නායකයා ලෙසින් කටයුතු කරන මෂ්රෆී මොර්ටාසා ආබාධයකට ලක්වීම නිසා කණ්ඩායම මෙහෙයවීමේ වගකීම හිමි ඉක්බාල් වැඩිදුරටත් අදහස් දක්වමින් පවසා සිටියේ රටවල් වශයෙන් වෙන් වෙන්ව තරග කළද ක්‍රිකට් ක්‍රීඩාව අතින් බැලූ විට සියල්ලෝම එක පවුලක් බව පවසා සිටියේය.

“ක්‍රිකට් අතින් ගත්තම අපි එකම පවුලක්. මම හිතනවා මේ වගේ අවස්ථාවන්වලදී අපි එකිනෙකාට උදව් කරගත යුතුයි. මම කළින් කිව්වා වගේ මේ තරගාවලියේදී අපිට ලබා දී තිබෙන ආරක්ෂාව සහ පහසුකම් ඉතා ඉහළයි. අපි නවා තැන් ගෙන සිටින හෝටලයේත් ඉන් පිටතත් නිදහසේ ඉන්නවා” යැයි ටමීම් පවසයි.

ටී. වී. එස්. ලංකා ආයතනය විසින් ප්‍රධාන අනුග්‍රාහකත්වය ලබා දෙනු බලන දෙරට අතර එක්දින තරගාවලිය ලබන 26 වැනිදා කොළඹ ආර්. ප්‍රේමදාස ක්‍රීඩාංගණයේදී ආරම්භ වනු ඇත.

මෙහිදී වැඩිදුරටත් අදහස් දක්වා සිටි ඉක්බාල්, “ලංකාවට එන එක ගැන හැම ක්‍රීඩකයෙක්ම ධනාත්මකව බැලුවා. කළින් කිව්වා වගේ අවුරුදු ගණනාවකට කළින් නොවෙයි මෑතකදි අපිත් ශ්‍රී ලංකාව මුහුණ දී සිටින ආකාරයේම සමාන දේකට මුහුණ දුන්නා. නමුත් ඒ අවස්ථාවේදී ලංකාව අපේ රටට ඇවිල්ලා ලස්සන තරගාවලියකට ක්‍රීඩා කළා. ඇත්තටම ක්‍රිකට් ක්‍රීඩාවට ලංකාව නිරන්තරයෙන්ම ලස්සන රටක්” යැයි පවසයි.

Related posts

මුවර්ස් සහ බී.ආර්.සී ජය වාර්තා කරති

Chamila Karawita

Dickwella falls short of magical ton, but great team job in Sri Lanka’s 381, Dilruwan 67; England 98/2

Web Admin

රමේෂ් සහ ලසිත් කොදෙව් ඉනිම කරකවා අත හරිති   

Chamila Karawita