Featured Media Centre News

අකිල අද චෙන්නායි යයි

පන්දු යැවීමේ ඉරියව්ව සම්බන්ධයෙන් පරීක්ෂණයට මුහුණ දීම සඳහා ශ්‍රී ලංකා පිලේ පිට දඟපන්දු යවන අකිල ධනංජය අද (28 දා) පස්වරුවේ චෙන්නායි නුවර බලා පිටත්ව යෑමට නියමිතය. චෙන්නායි හි ශ්‍රී රාමචන්ද්‍ර සරසවියේදී පිහිටුවා ඇති අන්ත්‍රස්කොපි ක්‍රීඩා විද්‍යා මධ්‍යස්ථානයේදී  මෙම පරීක්ෂණය පැවැත්වෙනු ඇත.

මෙම පරීක්ෂණය සඳහා අකිල සමඟ ශ්‍රී ලංකා ක්‍රිකට් ආයතනයේ පරිපාලන අංශයේ ප්‍රධාන මෙහෙයුම් නිලධාරීවරයා ලෙසින් කටයුතු කරන ජෙරම් ජයරත්න මහතා ද චෙන්නායි නුවර බලා පිටත්ව යෑමට නියමිතය.

නවසීලන්තයට එරෙහිව ඉකුත් 18 වැනිදා ගාල්ලේ පැවැති තරගයේදී අකිල ධනංජයගේ පන්දු යැවීමේ ඉරියව්ව සම්බන්ධයෙන් සැකයක් පවතින බව තරග විනිසුරුවන් ලෙසින් කටයුතු කරන ලද මයිකල් ගෆ් සහ රිචර්ඩ් ඉලිංවර්ත් වාර්තා කර සිටියහ. අකිලට අමතරව කේන් විලියම්සන්ගේද පන්දු යැවීමේ ඉරියව්ව සැක සහිත බව එම වාර්තාවේම සදහන් විය. ජාත්‍යන්තර ක්‍රිකට් නීති රීතිවලට අනුව සැකයට පාත්‍ර වූ දිනයේ සිට දින 14 ක කාලයක් පන්දු යැවීමේ ඉරියව්ව සම්බන්ධයෙන් අකිල සහ විලියම්සන් පරීක්ෂණයකට පෙනී සිටිය යුතු වේ.

එංගලන්ත කණ්ඩායම සමඟ 2018 වසරේ ගාල්ලේ පැවැති තරගයේදීද අකිලගේ පන්දු යැවීමේ ඉරියව්ව සැක සහිත බවට චෝදනා එල්ල වුණු නමුත් පන්දු යැවීමේ ඉරියව්වේ වෙනසක් කරමින් යළිත් නීත්‍යානුකූල පන්දු යවන්නකු බවට පත්වීමට අකිල සමත්විය. එම අවස්ථාවේදීද ඉරියව්ව පරීක්ෂණයට මුහුණ දුන්නේද මෙම ශ්‍රී රාමචන්ද්‍ර සරසවියේදී වීම විශේෂත්වයකි.

අද පස්වරුවේ ඉන්දියාව බලා පිටත්වන පිරිස එම පරීක්ෂණයට මුහුණ දී නැවතත් හෙට (29 දා) දිනයේදී ශ්‍රී ලංකාවට පැමිණීමට නියමිතව තිබේ.

Related posts

අයර්ලන්තය සමඟ ටෙස්ට් තරගය කල් යයි

Web Admin

Babar Azam underlines greatness with battling 119 to lift Pakistan from the gloom after Jayasuriya strikes

Web Admin

Sadisha Rajapaksa 131, Chamindu Wickramasinghe 111 flay Nepal attack in Sri Lanka’s 60-run win

Web Admin