Featured News Sinhala Column

ටිම් සවුති ජාත්‍යන්තර කඩුලු 500 කඩඉම පසුකරයි

නවසීලන්තයේ ආරම්භක පන්දු යවන්නෙකු වන ටිම් සවුති සරවනමුත්තු පිටියේ පැවැත්වෙන ශ්‍රී ලංකා නවසීලන්ත දෙවැනි පස්දින ටෙස්ට් තරගයේ ශ්‍රී ලංකා ඉනිමේ දී ජාත්‍යන්තර ක්‍රිකට් තරගාවලියන්හි සිය පන්සීය වැනි (500) කඩුල්ල ලබා වාර්තා පොතට එක්විය.

මේ ටෙස්ට් තරගයේ ලංකා ප්‍රථම ඉනිමේදී කඩුලු හතරක්ම දවාලු සවුදි සිය 249 වන ටෙස්ට් කඩුල්ල ද දවාලූවේ ඔහුගේ සහය පන්දු යවන සගයා වන ට්‍රෙන්ට් බෝල්ට් ලැබූ කඩුලු 250 සීමාවට කඩුල්ලක් පිටුපස සිටිමිනි. ටිම් සවුති එක්දින කඩුලු 186ක්ද , 20-20 තරගාවලියන්හි කඩුලු 67ක්ද ලබා ජාත්‍යන්තර ක්‍රිකට් පිටියේ කඩුලු 500ක කඩඉම ඉක්මවා සිටී.

සරවනමුත්තු පිටිය ටිම් සවුදිට විශේෂත්වයක් වන්නේ 2012-13 වසරේ නවසීලන්ත කණ්ඩායම ශ්‍රී ලංකාවේ සංචාරය කරන අවස්ථාවේ මේ ක්‍රීඩාංගණයේදී ඔවුන් ජය ලැබුවේ සවුදි කඩුලු අටක් ලබා පන්දු යැවීමේදී පෙන්වු විශිෂ්ඨ දක්ෂතා මතය.

මෙවර සංචාරයේ සරවනමුත්තු පිටියේ දෙවැනි ටෙස්ට් තරගයේ තුන්වන දින තරගයෙන් පසුව ටිම්  සවුති ප්‍රකාශ කළේ තමාට ජාත්‍යන්තර ක්‍රිකට් කඩුලු පන්සීයයේ කඩඉම ඉක්මවීමටත් ටෙස්ට් කඩුලු 250 සීමාවට (249) පැමිණීමටත් අනෙක් කෙළවරෙන් පන්දු යවන බෝල්ට්ගෙන් ලැබුණු සහාය විශාල පිටු වහලක් වූ බවය. බෝල්ට් සමග එක්ව පන්දු යැවීම හරිම පහසුයි. ඔහුගෙන් නිතරම උපදෙස් හා ධෛර්යය ලබාදීම මට ඉදිරියට යාමට රුකුළක් වුවා යැයි සවුදි පවසයි. තමා සහ බෝල්ට් දකුණතින් සහ වමතින් වේගපන්දු යවමින් සෙසු කණ්ඩායම් පිතිකරුවන් අසීරුතාවකට පත් කිරීමෙන් නවසීලන්ත කණ්ඩායමට වාසියක් අත්වන බවද සවුදි කියයි.

දැන් පැවැත්වෙන දෙවන ටෙස්ට් තරගය පිළිබදව අනාවැකියක්ද පළකරන ටිම් සවුති අවසාන දින දෙකේදී හිරු එළිය හොදින් පතිත වුවහොත් (වර්ෂාව නැතිනම්) තම කණ්ඩායමට මේ තරගයෙන් ජය ගැනීමටද අවස්ථාවක් ඇතැයි කීය. ටොම් ලෙතම් සහ බී.වොට්ලින් අඩුවේග තණතිලිවල පමණත් නොව මේ කලාපයේ (දකුණු ආසියා) ඕනෑම දේශගුණයක හොදම දගපන්දු යවන්නන්ට මුහුණදිය හැකි දක්ෂයන් යැයිද හේ කීවේය.

30 හැවිරිදි ටිම් සවුදිගේ දක්ෂතාව වනුයේ දකුණතින් පන්දු යවමින් තම වේගය ආධාර කරගනිමින් අවුට් ස්වින්ගර් පන්දු යවමින් පිතිකරු අසීරුතාවයට පත්කිරීමයි. 2008 අවුරුදු 19න් පහළ ලෝක කුසලාන ක්‍රිකට් තරගාවලියේ දක්ෂතම ක්‍රීඩකයා බවට තේරී එම වසරේම නවසීලන්ත කණ්ඩායමද නියෝජනය කරමින් හේ ජාත්‍යන්තර ක්‍රිකට් පිටියට පිවිසියේය. අලුත් පන්දුවෙන් මෙන්ම පරණ දිස්නය ඉවත්වු පන්දුවෙන්ද දක්ෂ ලෙස පන්දු යැවීමට ඔහු සමත්ය.

1988 දෙසැම්බර් 11 වැනිදා උපත ලද ටිම් සවුති ටෙස්ට් තරග 67කදී කඩුලු 249ක්ද (සාමාන්‍ය 30.3යි) එක්දින තරග 140කදි කඩුලු 186ක්ද (සාමාන්‍ය 34.3යි) 20-20 තරග 58කදි කඩුලු 67ක්ද කඩුලු (සාමාන්‍ය 26.1) ලබාසිටී.

ටෙස්ට් ඉනිමක හොදම පන්දු යැවීම ලකුණු 64කට කඩුලු 7ක් වන අතර ටෙස්ට් තරගයක හොදම පන්දු යැවීම ලකුණු 108කට කඩුලු දහයකි. කඩුලු පහ බැගින් අටවරක් ද දහය බැගින් වරක්ද ලබාසිටී.

දකුණු ආසියානු කලාපයේ තණතිලිවල විශේෂයෙන්ම දක්ෂ ලෙස පන්දු යැවීමට මොහු සමත්ය. 2011 ඉන්දියා ශ්‍රී ලංකා හා පාකිස්තානයේ පැවැති ලෝක කුසලාන තරගාවලියේ මොහු කඩුලු 17ක් ලබාගත්තේ 17.33ක සාමාන්‍යයිකිනි. ඉන්දීය ප්‍රිමියර් ලීග් තරගාවලියද සවුති කිහිපවරක්ම නියෝජනය කර ඇත.

බන්දුල මොල්ලිගොඩ.

-The opinions expressed here are the views of the writer and do not necessarily reflect the views and opinions of Sri Lanka Cricket-

Related posts

නවසීලන්තයට එරෙහි පුහුණු තරගයේ නායකත්වය අශාන් ප්‍රියන්ජනට

Web Admin

LPL ටිකට් කළින්ම ගන්න

Chamila Karawita

Angelo Mathews a Trojan like maiden 200 n.o.in Sri Lanka’s 515/9 decl.

Web Admin