Featured Media Centre New Zealand tour of Sri Lanka 2019 News

නවසීලන්තයට එරෙහි පුහුණු තරගයේ නායකත්වය අශාන් ප්‍රියන්ජනට

නවසීලන්ත ක්‍රිකට් කණ්ඩායම සමඟ හෙට (08 දා) කටුනායක මේරියන්ස් ක්‍රිකට් ක්‍රීඩාංගණයේදී ආරම්භ වන තුන් දින පුහුණු තරගය සඳහා නම් කරන ලද ශ්‍රී ලංකා ක්‍රිකට් සභාපතිගේ කණ්ඩායමේ නායකත්වය සඳහා අශාන් ප්‍රියන්ජනව පත් කිරීමට ශ්‍රී ලංකා ක්‍රිකට් තේරීම් කමිටුව පියවර ගෙන තිබේ.

ක්‍රීඩකයින් 15 දෙනෙකුගෙන් සමන්විතව නම් කරන ලද එම කණ්ඩායමට, එළැඹෙන ටෙස්ට් තරගාවලිය සඳහා නම් කරන ලද සංචිතයේ ක්‍රීඩකයින් කිහිප දෙනෙකුම ඇතුළත්ව සිටින අතර ධනුෂ්ක ගුණතිලක, ඕෂධ ප්‍රනාන්දු, ඇන්ජලෝ පෙරේරා, චාමික කරුණාරත්න සහ අසිත ප්‍රනාන්දු එම ක්‍රීඩකයෝ වෙති.

මීට අමතරව ඉකුත්දා නිමාවට නැගී එන ක්‍රිකට් කණ්ඩායමේ දකුණු අප්‍රිකානු සංචාරයට සහභාගි වූ කණ්ඩායමේ කැපී පෙනෙන දක්ෂතා දක්වන ලද පිතිකරුවකු වන පැතුම් නිස්සංකවද ඇතුළත් කර තිබේ. ලබන 14 වැනිදා ආරම්භ වන දෙරට පළමු ටෙස්ට් තරගයට පෙර නවසීලන්ත පිලට හිමි පළමු හා එකම තුන් දින පුහුණු තරගය හෙට සිට ලබන 10 වැනිදා තෙක් පැවැත්වේ.

ශ්‍රී ලංකා ක්‍රිකට් සභාපතිගේ කණ්ඩායම – අශාන් ප්‍රියන්ජන (නායක), ධනුෂ්ක ගුණතිලක, සධීර සමරවික්‍රම, ඕෂධ ප්‍රනාන්දු, පැතුම් නිස්සංක, භානුක රාජපක්ෂ, ඇන්ජලෝ පෙරේරා, මිනෝද් භානුක, චාමික කරුණාරත්න, අසිත ප්‍රනාන්දු, මොහොමඩ් ශිරාස්, ජෙෆ්රි වැන්ඩර්සි, අමිල අපෝන්සු, වනිඳු හසරංග, නිසල් තාරක.

Related posts

“ෆිට්නස් හදාගත්ත නිසා හැම දේම ලේසි වුණා” – අවිෂ්ක ප්‍රනාන්දු

Chamila Karawita

Dhananjaya a brave 109 in SL total of 244; NZ 196/4 on Latham’s unbeaten 111

Web Admin

ICC Men’s T20 World Cup fixture announcement

Web Admin