Featured Media Centre News

පුහුණුකරු තනතුරේ වෙනස ගැන ක්‍රිකට් සභාපති කරුණු පහදයි

නවසීලන්ත ක්‍රිකට් කණ්ඩායම සමඟ පැවැත්වෙන ටෙස්ට් සහ එක්දින ක්‍රිකට් තරගාවලිය සඳහා සහභාගිවන ශ්‍රී ලංකා ක්‍රිකට් කණ්ඩායමේ වැඩ බලන පුහුණුකරු තනතුර සඳහා රුමේෂ් රත්නායක මහතාව පත් කිරීමට ශ්‍රී ලංකා ක්‍රිකට් ආයතනය පියවර ගෙන තිබේ.

එළැඹෙන නවසීලන්තය සමඟ තරගාවලියේදී ශ්‍රී ලංකා කණ්ඩායමේ පුහුණුකරු ලෙස කටයුතු කරන්නේ කවුරුද යන්න අද (07 දා) කොළඹදී පැවැති මාධ්‍ය හමුවකදී ශ්‍රී ලංකා ක්‍රිකට් ආයතන සභාපති ශම්මි සිල්වා මහතාගෙන් මාධ්‍ය කරන ලද ප්‍රශ්න කිරීමකදී  “අන්තර් පුහුණුකරු හැටියට රොමේෂ් රත්නායකව අපි පත් කළා”යි සඳහන් කර සිටියේය.

මේ පිළිබඳව වැඩිදුරටත් අදහස් දක්වා සිටි වත්මන් ක්‍රිකට් සභාපතිවරයා, තිරය පිටුපස සිට ගනු ලැබූ යම් යම් තීන්දු තීරණ හේතුවෙන් සාර්ථක ප්‍රතිඵල අත්කර ගැනීමට හැකි වූ නමුත් එසේ ගනු ලැබූ ඇතැම් තීරණ මාධ්‍ය හමුවේ අනාවරණය කළ නොහැකි බවද සදහන් කර සිටියේය. මේ සියළු තීන්දු තීරණ ගනු ලබන්නේ ක්‍රිකට් ක්‍රීඩාවේ යහපත වෙනුවෙන් බවද ඒ මහතා අවධාරණය කර සිටියේය.

 “ඇත්තටම ඔබලා දන්නවා අපි බලයට එන විට ලෝක කුසලාන තරගාවලිය සඳහා වැඩි කාලයක් ඉතිරි වෙලා තිබුණේ නැති බව.  අපිට ඇත්තටම ඉතිරි වෙලා තිබුණේ මාස 2 කටත් අඩු කාලයක්. පුහුණුකරු වෙනස් කිරීම සම්බන්ධව කළින් කටයුතු කරන්න උවමනා වෙලා තිබුණ නමුත් ලෝක කුසලාන තරගාවලිය අත ලඟ නිසා හිටපු පුහුණුකරුවම ඒ සඳහා යොදා ගැනීමට සිදුවුණා”.

“ඔබලා දන්නවා අපිට ශ්‍රී ලංකාවෙදි අවුරුදු 3 කුත් මාස 8 කදි තරගාවලියක් දිනන්න නොහැකි වුණා.   නමුත් අපි පසුගිය තරගාවලිය ජයග්‍රහණය කළා. ඒ ජයග්‍රහණය ලබා ගැනීම වෙනුවෙන් අපි තිරයෙන් පිටුපස ගොඩක් දේවල් කළා. ඒ ගත්තු සමහර තීරණ අපිට මාධ්‍ය ඉදිරියට ඇවිල්ලා කියන්න බෑ. අන්න එහෙමයි අපි සාර්ථක ප්‍රතිඵල අත්කර ගත්තේ. අපි මේ සියළු තීරණ තීන්දු ගත්තේ ක්‍රිකට් ක්‍රීඩාවේ යහපත වෙනුවෙන් මිසක් වෙන දේකට නොවෙයි” යැයි ශම්මි සිල්වා මහතා කරුණු දැක්වීය.

හිටපු පුහුණුකරු චන්දික හතුරුසිංහ මහතා ප්‍රධාන පුහුණුකරු ධුරයෙන් ඉවත් කිරීමත් සමග හිස්වූ පුහුණුකරු තනතුර සඳහා පත්ව සිටින රුමේෂ් රත්නායක මහතා මීට පෙරද 2011 වසරේ ඔස්ට්‍රේලියාව සමඟ පැවැති තරගාවලියේදී ශ්‍රී ලංකා ක්‍රිකට් කණ්ඩායමේ අන්තර් පුහුණුකරු ලෙස කටයුතු කර තිබේ. 55 වැනි වියේ පසුවන රුමේෂ් රත්නායක මහතා ටෙස්ට් තරග 23 කදී සහ එක්දින තරග 70 කදී ශ්‍රී ලංකාව නියෝජනය කර තිබේ.

ඒ අනුව ලබන 14 වැනිදා ගාල්ල අන්තර්ජාතික ක්‍රීඩාංගණයෙන් ආරම්භ වන තරග 2 කින් සමන්විත ටෙස්ට් තරගාවලියේදී සහ තරග 3 කින් සමන්විත එක්දින තරගාවලියේදී ශ්‍රී ලංකා කණ්ඩායමේ ප්‍රධාන පුහුණුකරුගේ භුමිකාව රුමේෂ් රත්නායක මහතා විසින් සිදු කරනු ඇත.

Related posts

Cricket, Netball, Commonwealth medalists who made Sri Lanka the best in Asia felicitated by the President

Web Admin

කාන්තා එක්දින තරගාවලියේ සමාරම්භයේදීම කැපී පෙනෙන දක්ෂතා

Chamila Karawita

Dhananjaya de Silva 66 n.o. off 42 in Sri Lanka’s 6-wkt. triumph over Afghanistan 

Web Admin