Media Centre News

පුහුණුකරු වෙනස් කිරීමට ක්‍රීඩා ඇමැතිගෙන් කල් ඉල්ලයි

ක්‍රීඩා අමාත්‍යවරයා දැනුම් දී තිබෙන පරිදි ශ්‍රී ලංකා ක්‍රිකට් කණ්ඩායමේ පුහුණුකාරීත්වයේ වෙනස්කම සිදු කිරීම සම්බන්ධයෙන් අවධානය යොමු කර තිබෙන ශ්‍රී ලංකා ක්‍රිකට් පාලනාධිකාරිය එළැඹෙන නවසීලන්ත ක්‍රිකට් කණ්ඩායමේ ශ්‍රී ලංකා තරග සංචාරය අවසන් වන තෙක් ඒ සඳහා කල් ඉල්ලා තිබේ.

ලෝක කුසලාන ක්‍රිකට් තරගාවලිය අවසන්ව මෙරටට පැමිණි ශ්‍රී ලංකා කණ්ඩායම තුළ තුළ පුළුල් වෙනසක් සිදු කිරීමට අවශ්‍ය බව පැවැසූ ක්‍රීඩා අමාත්‍ය හරීන් ප්‍රනාන්දු මහතා ඊට පිළියමක් ලෙස ශ්‍රී ලංකා ක්‍රිකට් කණ්ඩායමේ පුහුණු අංශයෙහි වෙනසක් සිදු කළ යුතු බව ලිපියක් යොමු කරමින් ශ්‍රී ලංකා ක්‍රිකට් ආයතනය දැනුවත් කිරීමට කටයුතු කළේය.

කෙසේ වෙතත් කණ්ඩායමේ ප්‍රධාන පුහුණුකරු ලෙසින් කටයුතු කරන චන්දික හතුරුසිංහ මහතා සමඟ අත්සන් තබා ඇති කොන්ත්‍රාත්තුවට අනුව ඔහුගේ සේවා කාලය තවදුරටත් ඉතිරිව තිබෙන අතරම ඒ අතර නවසීලන්ත තරග සංචාරයද යෙදීම නිසා එම කල් ඉල්ලීමට හේතු වී තිබේ.

ක්‍රීඩා අමාත්‍යවරයා සමඟ පැවැති සාකච්ඡාවකින් අනතුරුව මේ පිළිබඳව වූ අභියාචනය ශ්‍රී ලංකා ක්‍රිකට් විධායක කමිටුව විසින් ඉදිරිපත් කර තිබේ.

Related posts

පන්දු රැකීමෙන් වැළකුණු චන්දිමාල් අවධානමෙන් මිදෙයි

Web Admin

Sri Lanka Cricket officially hands over US$ 2 million to the country’s Health Sector

Web Admin

රෝස පන්දුවෙන් කෙරෙන ‘සුරංග ලක්මාල්ගේ’ සමුගැන්ම ජයග්‍රාහී සාදයකින් අවසන් වෙයිද…?

Chamila Karawita