Featured Media Centre New Zealand tour of Sri Lanka 2019 News

පුහුණු තරගයේ දෙවැනි දිනය වැස්සට සේදෙයි

නවසීලන්ත ක්‍රිකට් කණ්ඩායම සහ ශ්‍රී ලංකා ක්‍රිකට් සභාපතිගේ පිල අතර කටුනායක මේරියන්ස් ක්‍රිකට් ක්‍රීඩාංගණයේ පැවැත්වෙන තුන් දින පුහුණු තරගයේ විටින් විට ඇද හැළුණු වර්ෂාව හේතුවෙන්  දෙවැනි දිනය වූ අද (09 දා) එකම පන්දුවක් හෝ යැවීමට නොහැකි විය.

පෙර දින රාතියේ සිට ඇද හැළුණු වර්ෂාව උදෑසන කාලය ඇතුළතත් විටින් විට ඇද හැළුණු නමුත්, දිවා ආහාරයෙන් පසු තරගය ආරම්භ කිරීම වෙනුවෙන් විනිසුරුවන් මෙන්ම ක්‍රීඩාංගණ කාර්යය මණ්ඩලය දැඩි උත්සාහයක නිරත විය. තරගය කොයි මොහොතේ හෝ ආරම්භ කිරීමේ බලාපොරොත්තු ඇතිව නවසීලන්ත කණ්ඩායම සිය ශරීරය උණුසුම් කිරීමේ ව්‍යායාම සඳහා පිටියට පිවිස සිටිනු දක්නට ලැබුණි. කෙසේ වෙතත් ප.ව. 12.30 ට පමණ යළිත් වර්ෂාව ඇද හැළීම නිසා ප.ව. 1.30 ට පමණ දෙවැනි දිනට තරගය ඇත හැර දැමීමට තරග තීරක චමින්ද මෙන්ඩිස් මහතා ඇතුළු විනිසුරුවෝ තීරණය කළහ.

ලබන 14 වැනිදා ගාල්ලේදී ආරම්භ වීමට නියමිත පළමු ටෙස්ට් තරගයට පෙර නවසීලන්ත පිලට හිමි පළමු හා එකම තුන් දින පුහුණු තරගය වන මෙම තරගයේ පළමු දිනටද අයහපත් කාලගුණය හරස්වීම නිසා තරග ආරම්භය ප.ව. 12.30 දක්වා ප්‍රමාද වීය. පන්දුවාර 78 කට සීමා වෙමින් ඇරඹි පළමු දිනයේ සවස් කාලයේදී අඳුරු කාලගුණ තත්ත්වය මත එදින තරගය පන්දුවාර 65.5 කට සීමා කිරීමට විනිසුරුවෝ තීරණය කළහ.

ඒ වන විටත් සිය පළමු ඉනිම ක්‍රීඩා කරමින් සිටි ශ්‍රී ලංකා ක්‍රිකට් සභාපතිගේ පිල කඩුලු 6 කට ලකුණු 323 ක් ලබා ගැනීමට සමත්විය. ඒ අනුව තෙවැනි සහ අවසන් දිනය වන හෙට (10 දා) දිනයේදී තරගය පෙ.ව. 9.30 ට ආරම්භ වීමට නියමිතව තිබේ.

Related posts

ආසියානු කුසලාන තරගාවලියට නම් කළ යොවුන් පිල පිටත්ව යයි

Chamila Karawita

ජයග්‍රාහී මාවතට ප්‍රවේශවීමේ හැකියාව තරුණ ක්‍රීඩකයින්ට තියෙනවා – දසුන් ශානක

Chamila Karawita

ඔස්ට්‍රේලියාවට එරෙහි ශ්‍රී ලංකා සංචිතය නම් කරයි

Chamila Karawita