Emerging Team Featured Media Centre News

වනිඳුගේ දක්ෂතා බංග්ලාදේශ නැගී එන පිල වනසයි

බංග්ලාදේශ නැගී එන පිලට එරෙහිව සාවර්හිදී අද(18 දා) පැවැති පළමු නිල නොවන එක්දින තරගයෙන් ලකුණු 186 ක දැවැන්ත තරග ජයක් වාර්තා කළ චරිත් අසලංකගේ නායකත්වයෙන් යුතු ශ්‍රී ලංකා නැගී එන කණ්ඩායම තරග 3 කින් සමන්විත දෙරට අතර එක්දින තරගාවලිය 1-0 ක් ලෙස පෙරමුණ ගෙන සිටියි.

මෙම තරගය මුළුමනින්ම තමන්ගේ තරගයක් කරගත් නැගී එන කණ්ඩායම් ක්‍රීඩක වනිඳු හසරංග තුන් ඉරියව්වෙන්ම කැපී පෙනෙමින් ශ්‍රී ලංකා නැගී එන පිලට ජයග්‍රාහී මාවත විවර කර දුන්නේය. එහිදී පිත්තෙන් ලකුණු 70 ක් ලබා ගත් වනිඳු පන්දු යවමින් ලකුණු 12 කට කඩුලු 4 ක් දවා බංග්ලාදේශ නැගී එන පිල අසරණ කර දැම්මේය.

වනිඳගේ පිතිහරඹය හේතු කොට ගෙන ලකුණු 305 ක දැවැන්ත ඉලක්කයක් බංග්ලාදේශ පිල හමුවේ ලබා දීමට ශ්‍රී ලංකා නැගී එන පිල සමත් වුවත් එය හඹා ගිය සත්කාරක පිතිකරුවෝ පන්දුවාර 28.3 කදී ලකුණු 118 කට සීමා කිරීමට වනිඳු හසරංග ප්‍රමඛ ශ්‍රී ලංකා පන්දු යවන්නෝ සමත්වූහ.

මීට අමතරව පන්දු යවන්නන් අතරින් ලසිත් මාලිංගගේ  ඉරියව්වට සමාන ඉරියව්වකින් පන්දු යවන නුවන් තුෂාර, ප්‍රථම වරට කණ්ඩායමට එක්වූ ශිරාන් ප්‍රනාන්දු සහ පළපුරුදු ක්‍රීඩක අමිල අපෝන්සු කඩුලු 2 බැගින් බිඳ හෙළූහ.

බංග්ලාදේශ පන්දු යවන්නන්ට කිසිදු ඉඩක් ලබා නොදුන් ශ්‍රී ලංකා පිතිකරුවෝ නියමිත පන්දුවාර 50 අවසනදී කඩුලු 7 කට ලකුණු 304 ක් රැස් කරගත්තේය. වනිඳුට අමතරව නායක චරිත් අසලංක වාර්තා කරන ලද අර්ධ ශතකය හේතුවෙන් ශ්‍රී ලංකා පිලට ලකුණු 300 සීමාව පහසුවෙන්ම පසුකර යෑමට අවස්ථාව උධා විය. ඒ වෙනුවෙන් වනිඳු හසරංග පන්දු 46 කට මුහුණ දෙමින් හයේ පහර 3 ක් සහ හතරේ පහර 7 ක් සමගින් ලකුණු 70 ක්ද චරිත් අසලංක පන්දු 79 කදී හයේ පහර 2 ක් සහ හතරේ පහර 7 ක් සමග ලකුණු 71 ක් රැස් කරමින් නැගී එන පිලට ජීවය ලබා දුන්හ.

ලකුණු සාරාංශය – ශ්‍රී ලංකා නැගී එන පිල පන්දුවාර 50 කදී 304/7 යි – චරිත් අසලංක 71, සඳුන් වීරක්කොඩි 31, ශම්මු අශාන් 33, කමිඳු මෙන්ඩිස් 28, වනිඳු හසරංග 70, අෂේන් බණ්ඩාර (නොදැවී 29), ශෆිකුල් ඉස්ලාම් 22/2, ශහිඩුල් ස්ලාම් 71/2)

බංග්ලාදේශ නැගී එන පිල පන්දුවාර 28.3 කදී ලකුණු 118 යි – (සයිෆ් හසන් 50 වනිඳු හසරංග 12/4, අමිල අපෝන්සු 25/2, ශිරාන් ප්‍රනාන්දු 28/2)

Related posts

මාධ්‍ය කුටියටත් කොවිඩ් එයි

Chamila Karawita

Pathum Nissanka debut centurion and first Lankan to magical feat overseas; Niroshan Dickwella 96

Web Admin

SLC ExCo made appeal pertaining to change of the Coaching Staff

Web Admin