Featured Media Centre New Zealand tour of Sri Lanka 2019 News

විස්සයි/20 ට ඇතුළත් ක්‍රීඩකයින් 7 ක් පුහුණු තරගයටත් නම් කරයි

විස්සයි/20 තරගාවලිය සඳහා නම් කරන ලද ශ්‍රී ලංකා කණ්ඩායමේ ක්‍රීඩකයින් හත් දෙනෙකු නවසීලන්තය සමඟ ලබන 29 වැනිදා පැවැත්වෙන විස්සයි/20 පුහුණු තරගයට ක්‍රීඩා කිරීමට නියමිත ක්‍රිකට් සභාපතිවරයාගේ කණ්ඩායමට ඇතුළත් කිරීමට ශ්‍රී ලංකා ක්‍රිකට් තේරීම් කමිටුව පියවර ගෙන තිබේ.

තරග 3 කින් සමන්විත විස්සයි/20 තරගාවලියට පෙර නවසීලන්ත පිලට හිමි පළමු හා එකම පුහුණු තරගය වන මෙම තරගයේදී අත්හදා බැලීමකටද ඉඩ විවර වනවා සේම ක්‍රීඩකයින්ගේ දක්ෂතා පිළිබඳව තක්සේරුවක් ලබා ගැනීමේ හැකියාවද තේරීම් කමිටුවට හිමිවනු ඇත.

ක්‍රීඩකයින් 12 දෙනෙකුගෙන් යුතුව නම් කරන ලද මෙම කණ්ඩායමේ නායකත්වය ටෙස්ට් තරගාවලියට පෙර පැවැති තුන් දින පුහුණු තරගය මෙහෙයවන ලද අශාන් ප්‍රියන්ජන්ටම ලබා දී තිබේ. සධීර සමරවික්‍රම විසින් කඩුලු රැකීමේ කාර්යය සිදු කිරීමට නියමිත මෙම කණ්ඩායමට වේග පන්දු යවන ක්‍රීඩක නුවන් ප්‍රදීප්ද ඇතුළත් කර තිබේ.

ලබන 01 වැනිදා ආරම්භ වන විස්සයි/20 තරගාවලිය සඳහා නම් කරන ලද කණ්ඩායමට නුවන් ප්‍රදීප් ඇතුළත් නොවුණත් එම කණ්ඩායමට ඇතුළත්ව සිටින ධනුෂ්ක ගුණතිලක,  ෂෙහාන් ජයසූරිය, දසුන් ශානක, වනිඳු හසරංග, ළහිරු මධුශංක, ලක්ෂාන් සඳකැන් සහ කසුන් රජිත මෙම පුහුණු තරගය නියෝජනය කිරීම සඳහා නම් කරන ලද කණ්ඩායමට ඇතුළත් වීමට වරම් ලබා ඇති ක්‍රීඩකයෝ බවට පත්ව සිටිති.

ශ්‍රී ලංකා ක්‍රිකට් සභාපතිවරයාගේ පිල – අශාන් ප්‍රියන්ජන් (නායක), ධනුෂ්ක ගුණතිලක, සධීර සමරවික්‍රම (කඩුලු රකින්නා), භානුක රාජපක්ෂ, ඇන්ජලෝ පෙරේරා, ෂෙහාන් ජයසූරිය, දසුන් ශානක, වනිඳු හසරංග, ළහිරු මධුශංක, නුවන් ප්‍රදීප්, ලක්ෂාන් සඳකැන්, කසුන් රජිත.

Related posts

දෙවැනි තරගය ජය ගත් බංග්ලාදේශය යොවුන් පිල තරගාවලියේ පෙරමුණට

Web Admin

Sri Lanka Cricket to field an Emerging Team to play in the Mercantile Cricket Association (MCA) Premier League

Web Admin

Sri Lanka Cricket and My Cola Beverages Signs a 03-year Partnership

Web Admin