Featured Media Centre New Zealand tour of Sri Lanka 2019 News

සිව්වැනි දිනයේත් ආරම්භය පමාවෙයි

සංචාරක නවසීලන්ත ක්‍රිකට් කණ්ඩායම සහ ශ්‍රී ලංකාව අතර කොළඹ පී. සරා ඕවල් පිටියේ පැවැත්වෙන දෙවැනි ටෙස්ට් තරගයේ සිව්වැනි දිනය වන අද (25 දා) දිනයේදීත් වර්ෂාවෙන් බාධා පැමිණීම නිසා දිවා ආහාරය තෙක් තරගය ආරම්භ කිරීමට විනිසුරුවන්ට නොහැකි වී තිබේ.  මුළු ක්‍රීඩාංගණයම මේ වන විට වසා තිබෙන අතර ආරම්භ කරන වේලාව තවමත් අවිනිශ්චිත තත්ත්වයක පවතියි.

උදෑසන සිටම විටින් විට ඇද වැළුණු සුලු වැසි තත්ත්වය හේතුවෙන් මුළු ක්‍රීඩාංගණයම වැසි ආවරණවලින් වසා තැබීමට ක්‍රීඩාංගණ බලධාරීන් ඇතුළු සේවක පිරිස කටයුතු  කළහ.  කෙසේ වෙතත් තරගය ආරම්භ කිරීම බලාපොරොත්තුව වෙනුවෙන් උදෑසන කාලයේ අවස්ථා කීපයකදීම යාර 30 සීමාවෙන් එපිට වැසි ආවරණ කීපයක් ඉවත් කිරීමට සේවක පිරිස කටයුතු යෙදුවත් තණතීරුව සහිත ආවරණ ඉවත් කිරීමට කටයුතු නොකළහ. එහෙත් ඒ අතර ද නැවතත් සිහින් පොද සහිත වැසි තත්ත්වයක් හට ගත් හෙයින් විවෘත කරන ලද ස්ථානද යළි වසා දැමීමට පියවර ගැණිනි.

සත්කාරක ශ්‍රී ලංකා පිල පළමු ඉනිම වෙනුවෙන් ලබා දුන් ලකුණු 244 ට පිළිතුරු පළමු ඉනිම ක්‍රීඩා කරමින් සිටින නවසීලන්ත කණ්ඩායම තෙවැනි දිනය අවසනදී කඩුලු 4 කට ලකුණු 196 ක් ලබා සිටින අතර ටොම් ලතම් ලකුණු 111 ක් සහ බී.ජේ. වොට්ලින් ලකුණු 25 ක් ලබා පන්දුවට පහර දීමේ සූදානමින් පසුවෙති.

Related posts

Bhanuka Rajapaksa handed a one-year ban from all forms of cricket, which is suspended for two years

Web Admin

Clarification pertaining to news article “LPL Transparency at stake over questionable deals”

Web Admin

“කිවී ජයග්‍රහණයේ ” තිරයේ පිටුපස කතාව

Web Admin