Featured New Zealand tour of Sri Lanka 2019 News Sinhala Column

අප සිතූ ආකාරයට සියල්ල සිදුවීමෙන් ජය ලැබුවා කේන් විලියම්සන්

ශ්‍රී ලංකාව වැනි ප්‍රබල ටෙස්ට් කණ්ඩායමක් සමග තරගවදිද්දි වර්ෂාවෙනුත් වරින් වර බාධා ඇතිවූවා. අපට සිදුවූයේ මෙම අභියෝගයන් දෙකම ජයගැනීමටයි. අප බලාපොරොත්තු වූ ආකාරයටම සියළු කරුණු සඵල වූහෙයින් දෙවන ටෙස්ට් තරගයෙන් ජයගැනීමට අවස්ථාව උදාවූ බව නවසීලන්ත නායක කේන් විලියම්සන් පවසයි.

ශ්‍රී ලංකාව දෙවනි ඉනිමේදී අපගේ ලකුණු ප්‍රමාණය ඉක්මවූයේ නම් තරගයෙන් තවත් වෙලාවක් ගතවනවා. එසේවූවානම් තරග ප්‍රතිඵලයක් ලබා ගැනීමට අපහසුයි. එය වළකා ගැනීමට අපගේ වේගපන්දු යවන්නන් දෙදෙනාත් දගපන්දු යවන්නන්ද ක්‍රීඩා කළ ආකාරයෙන් කඩුලු දහයම දවාගැනීමට ලැබීම ප්‍රශංසනීයයි.

ටොම් ලෙතම් සහ බී.ජේ.වොට්ලින්ගේ සබඳතාවයෙන් අපට ශ්‍රී ලංකා මුල් ඉනිමේ ලකුණු සංඛ්‍යාව ආසන්නයටම ඒමට අවස්ථාව උදාවූවා. අපට අත්‍යවශ්‍යව තිබූ ඉක්මනින් ලකුණු ලබා ඉදිරියටම යාමේ කාර්යය කොල්න් ඩි ග්‍රෑන්ඩ්හෝම් පන්දුවකට ලකුණ බැගින් ලබා ඉතා හොදින් ඉටුකළා. මා විශේෂයෙන්ම එසේ පවසන්නේ වර්ෂාව මත අපට ඉතා විශාල කාලයක් අහිමිව තිබීම මතයි. ග්‍රෑන්ඩ්හෝම් පන්දු 77 කදී හයේ පහක් හා හතරේ පහක් සමග ලකුණු 83ක් ලබාගත් ආකාරයෙන් අප පහසු තත්ත්වයකට පත්වූවා.

ගාල්ලේ පැවැති ප්‍රථම තරගයේත් දෙවන ටෙස්ට් තරගයත් අතර විශාල වෙනසක් තිබෙනවා. එහිදි වැරදිවලින් පාඩම් ඉගෙන ගෙන සුළු වැරිදි සකසා ගැනීමෙන් අපට ජය මාවත විවෘත වූවා.

දෙවන ටෙස්ට් තරගයේ තණතිල්ල වේග පන්දු යවන්නන්ට මදක් උදව් වූවා. ඒවගේම අවසාන දිනයේත් පන්දුවට පහරදීමට අපහසු තත්ත්වයක් ද එහි තිබුණා. කෙසේවුවද මේ තරගයේදී තම කණ්ඩායමට හොද සබඳතාවන් දෙකක් හා පුද්ගලික දක්ෂතා ස්වල්පයක් මතුවීමෙන් වාසි ලැබුණු බවද නවසීලන්ත නායක කේන් විලියම්සන් කීවේය.

මේ  ටෙස්ට් තරගාවලියට තවත් තරගයක් ඇතුළත් වී තරග තුනක තරගාවලියක් වූවානම් මීට වඩා හොදයැයි මා පුද්ගලිකව විශ්වාස කරනවා. එසේ වූවා නම් තරගාවලියේ ප්‍රතිඵලයක් ගන්නත් තිබුණා යැයි ද නවසීලන්ත නායකයා කීවේය.

බන්දුල මොල්ලිගොඩ.

-The opinions expressed here are the views of the writer and do not necessarily reflect the views and opinions of Sri Lanka Cricket-

Related posts

යොවුන් පිලේ අවිශ්ක තරිඳු ලකුණු 350 ක් ලබා ශ්‍රී ලංකා වාර්තාවක් පිහිටුවයි

Web Admin

An employee of the SLC has been found Covid Positive

Web Admin

SLC did not field an emerging team to play in MCA Premier League 2021

Web Admin