Featured Media Centre New Zealand tour of Sri Lanka 2019 News

කුසල් – ෂෙහාන් හෙට තරගයට නෑ

සංචාරක නවසීළන්ත කණ්ඩායම සමඟ හෙට (06 දා) මහනුවර පල්ලකැලේ ක්‍රීඩාංගණයේ පැවැත්වෙන තෙවැනි විස්සයි-20 තරගය සඳහා ක්‍රීඩා කිරීමේ අවස්ථාව කුසල් මෙන්ඩිස් සහ ෂෙහාන් ජයසූරියට අහිමිව තිබේ. ශ්‍රී ලංකාවට කඩුලු 4 ක පරාජයක් අත්වූ දෙරට අතර ඉකුත් 03 වැනිදා පැවැති තරගයේදී උඩ පන්දුවක් රැක ගැන්මට යෑමේදී දෙදෙනාම එකිනෙකා ගැටුණු අතර දෙදෙනාම ආබාධයකට ලක්වීම ඊට හේතු වී තිබේ.

මෙම තරගයේදී ජයග්‍රහණය වෙනුවෙන් ලකුණු 162 ක ඉලක්කයක් හඹා ගිය නවසීලන්ත කණ්ඩායමේ අවසන් පන්දුවාරයේ තෙවැනි පන්දුවේදී මොවුන් දෙදෙනා එකිනෙකා ගැටිණ. මිචෙල් සැන්ට්නර් විසින් එල්ල කරන ලද පහර උඩ පන්දුවක් ලෙස ලෝන් ඕන් සහ මිඩ් විකට් කළාපය අතරට ඇදී ගිය අතර ඒ සඳහා දිව ගිය ෂෙහාන් උඩ පන්දුව රැක ගැනීමට සමත්වූවේය. එහෙත් උඩ පන්දුව පිළිබඳවම අවධානය තබා පැමිණි කුසල්, ෂෙහාන්ගේ ඇඟේ වැදීම මත දෙදෙනාම දෙපසට විසි වී ගියහ.

උඩ පන්දුව රැක ගනු ලැබුවද සමබර තාවය ගිලිහී යෑම නිසා ෂෙහාන්ව හතරේ සීමාව මතට වැටුණු බැවින් දැවී යෑමක් වෙනුවට එය නවසීලන්තයට හිමි ලකුණු 6 ක් බවට පත්විය. එම ගැටීමේදී මෙන්ඩිස් දණහිසේ ආබාධයකටද මුහුණ දුන් බැවින් එම්. ආර්. අයි. ස්කෑන් පරීක්ෂණයකටද මුහුණ දීමට නියමිත විය.

කෙසේ වෙතත් හෙට තරගය අවසන් විස්සයි-20 තරගය බැවින් මොවුන් දෙදෙනා වෙනුවට තවත් ක්‍රීඩකයින් දෙපළක් කණ්ඩායමට ආදේශ නොකිරීමට ක්‍රිකට් තේරීම් වලදී තීරණය වී තිබේ. තරග 3 කින් සමන්විත දෙරට අතර විස්සයි-20 තරගාවලියේ පළමු තරග 2 ම ජය ගෙන සිටින නවසීලන්ත කණ්ඩායම හෙට තරගයට පෙර 2-0 ක් ලෙස තරගාවලිය ජය ගැනීමට සමත්ව තිබේ.

Related posts

Onus on Skipper Karunaratne to make his bat talk for depleted Lanka with the odds favouring resurgent South Africa

Web Admin

ටෙස්ට් වරම් ලබන්න සිහින දකින තරගයේ වීරයා

Web Admin

South Africa tour of Sri Lanka postponed

Web Admin