Featured Media Centre News

දිනේෂ් චන්දිමාල් යුද හමුදාවට බැඳෙයි

ශ්‍රී ලංකා ක්‍රිකට් කණ්ඩායමේ නායකත්වය දරා ඇති ඉදිරි පෙළ පිතිකරු කඩුලු රකින ක්‍රීඩක දිනේෂ් චන්දිමාල් අධිකාරිලත් නිලධරියකු ලෙස යුද හමුදාවේ සේවයට එක්වී තිබේ. යුද හමුදාවේ සේවයට එක්වීමත් සමඟ මෙතෙක් කලක් එන්. සී. සී. කණ්ඩායම නියෝජනය කරන ලද චන්දිමාල් මේ වසරේ සිට යුද හමුදා ක්‍රිකට් කණ්ඩායම යටතේ පළමු පෙළ තරගාවලිය නියෝජනය කරනු ඇත.

මෙරට ජාතික ක්‍රිකට් කණ්ඩායමට දක්ෂ ක්‍රීඩකයින් රැසක් බිහි කර තිබෙන යුද හමුදා කණ්ඩායමට චන්දිමාල්ගේ එක්වීමත් සමඟ තවදුරටත් ශක්තිමත් වනු ඇති බව එම කළමනාකාරීත්වයේ විශ්වාස වී තිබේ. පිතිකරණ ලැයිස්තුවේ ඕනෑම ස්ථානයක පන්දුවට පහර දිය හැකි ක්‍රීඩකයකු ලෙසින් සැලකෙන චන්දිමාල් 2014 වසරේදී ශ්‍රී ලංකා පිල විස්සයි-20 ලෝක ශූරතාව දිනා ගත් කණ්ඩායමේ නිල නායකයා ලෙසින් කටයුතු කළේය.

ශ්‍රී ලංකාව වෙනුවෙන් ටෙස්ට් තරග 53 කට දායකත්වය ලබා දී සිටින චන්දිමාල් ශතක 11 ක් සමඟ ලකුණු 3768 ක් රැස් කර ගැනීමට සමත්ව සිටියි. එක්දින තරග 146 කදී ශ්‍රී ලංකාව නියෝජනය කර ඇති මෙම දකුණත් පිතිකරුවා ශතක 5 ක්ද සමඟ ලකුණු 3599 ක් රැස් කරගෙන තිබේ. ඔහු රැස් කර ඇති ශතක 5 න් එක් ශතකයක් ලෝඩ්ස් ක්‍රීඩාංගණයේදී ලබා ගැනීමට සමත්ව තිබේ. කලක් ශ්‍රී ලංකා විස්සයි-20 පිලේ නායකයා ලෙසින්ද කටයුතු කළ චන්දිමාල් තරග 54 කදී ශ්‍රී ලංකාව නියෝජනය කොට මුලු ලකුණු 800 ක් ලබාගැනීමට සමත්ව තිබේ.

Related posts

එස්.එස්.සී.-යුද හමුදාව සිව්වැනි ජයත් වාර්තා කරති

Web Admin

Notice | Voting List – Election of Office Bearers of Sri Lanka Cricket – 2021/2023

Web Admin

SSC’s Nipun Dhananjaya takes top billing as highest run getter in U23 tourney

Web Admin