A Team Featured Media Centre News

දින 25 ක සංචාරයක් සඳහා බංග්ලාදේශ ඒ පිල හෙට එයි

නිල නොවන සිව් දින තරග 2 කට සහ එක්දින තරග 3 කට සහභාගිවීම සඳහා බංග්ලාදේශ ‘ඒ” ක්‍රිකට් කණ්ඩායම හෙට (18 දා) ශ්‍රී ලංකාවට පැමිණෙනු ඇත. මෙම මස 23 වැනිදා ආරම්භ වීමට නියමිත මෙම තරගාවලියේදී බංග්ලාදේශ ඒ කණ්ඩායමේ මෙහෙවීමේ වගකීම මොමිනුල් හක් වෙත පැවැරී තිබේ.

ක්‍රීඩකයින් 16 දෙනෙකුගෙන් සමන්විත බංග්ලාදේශ ඒ කණ්ඩායමට එරට ජාතික කණ්ඩායම නියෝජනය කරනු ලබන ක්‍රීඩකයින් කිහිප පළක්ම ඇතුළත්ව සිටීම කැපී පෙනෙයි. දින 25 ක කාලයක් ශ්‍රී ලංකාවේ රැදී සිටින බංග්ලාදේශ ඒ කණ්ඩායම ප්‍රථමයෙන්ම සිව් දින ක්‍රිකට් තරගාවලිය සඳහා සහභාගිවනු ඇත. ඒ අනුව පළමු තරගය ලබන 23 වැනිදා කටුනායක මේරියන්ස් ක්‍රීඩාංගණයේදී ආරම්භ වනු ඇත. 26 වැනි දා දක්වා පැවැත්වෙන එම තරගයෙන් දින 4 ක කාලයක් හෙවත් සැප්තැම්බර් 30 වැනිදා සිට ඔක්තෝම්බර් 03 වැනිදා දක්වා දෙවැනි තරගය ගාල්ල ජාත්‍යන්තර ක්‍රීඩාංගණයේදී පැවැත්වෙනු ඇත.

තරග 3 කින් සමන්විත දෙරට අතර එක්දින තරගාවලිය ලබන ඔක්තෝම්බර් 07 වැනිදා ද දෙවැන්න 09 වැනිදාද සූරියවැව ක්‍රීඩාංගණයේදී පැවැත්වෙන අතර අවසන් තරගය ඔක්තෝම්බර් 12 වැනිදා කොළඹ ආර්. ප්‍රේමදාස ක්‍රීඩාංගණයේදී පැවැත්වෙනු ඇත.

බංග්ලාදේශ ඒ කණ්ඩායම – මොමිනුල් හක් (නායක), සද්මන් ඉස්ලාම්, ජහුරුල් ඉස්ලාම්, මොහොමඩ් මිතුන්, නුරුල් හසන්, එනමුල් හක්, සෞම්‍ය සර්කාර්, අබූ ජායෙඩ්, හොසේන් චෞද්‍රි, සුන්සමුල් ඉස්ලාම්, මොහොමඩ් හොසේන්, සලයුඩීන් සකිල්, මෙහෙදි හසන්, නජ්මුල් හොසේන්, සායිෆ් හසන්, හසන් මිරාස්.

Related posts

Pakistan to play Sri Lanka Tests in front of home crowds

Web Admin

LPL පළමු ශතකය වාර්තා කිරීමේ ගෞරවය ලෝරි එවන්ස්ට

Chamila Karawita

අභිනව ටෙස්ට් ශූරයින් ලෙස නවසීලන්තය කිරුළු පළඳිති

Chamila Karawita