Featured Media Centre News Sri Lanka tour of Pakistan 2019

පාකිස්තානු සංචාරයේ ආරක්ෂාව ගැන යළි සලකා බලයි

එළැඹෙන 27 වැනිදා ආරම්භ වීමට නියමිත ශ්‍රී ලංකා ක්‍රිකට් කණ්ඩායමේ පාකිස්තානු තරග සංචාරයට පෙර ශ්‍රී ලංකා කණ්ඩායමට ලබා දෙනු ලබන ආරක්ෂාව සම්බන්ධව නැවත අවධානය යොමු කරන ලෙස ශ්‍රී ලංකා ක්‍රිකට් ආයතනය රජයෙන් ඉල්ලීමක් කර තිබේ.

අග්‍රාමාත්‍ය කාර්යාලය විසින්, ක්‍රීඩා අමාත්‍යාංශය විසින් ශ්‍රී ලංකා ක්‍රිකට් ආයතනයට එවන ලද ලිපියක් පිළිබඳව සලකා බලමින් පසුව මෙම තීරණයට ශ්‍රී ලංකා ක්‍රිකට් ආයතනය එළැඹ තිබේ.

සංචාරයට සහභාගිවීමට නියමිත ශ්‍රී ලංකා ක්‍රිකට් කණ්ඩායමට ත්‍රස්තවාදීන්ගෙන් තර්ජන ඇති බව අග්‍රාමාත්‍ය කාර්යාලයට විශ්වාසදායක තොරතුරු ලැබී ඇති අතර ඒ පිළිබඳව අග්‍රාමාත්‍ය කාර්යාලය විසින් ශ්‍රී ලංකා ක්‍රිකට් ආයතනය දැනුවත් කර තිබේ.

එම ලිපියට අනුව මෙම තරග සංචාරයට සහභාගිවීමට පෙර ශ්‍රී ලංකා ක්‍රිකට් කණ්ඩායමේ ආරක්ෂාව සම්බන්ධව අතිශයින් සැලකිලිමත් වන ලෙස රජයෙන් ඉල්ලීමක් කර තිබේ. ඒ අනුව ආරක්ෂාව සම්බන්ධයෙන් යම් ගැටළුවක් පවතින්නේ නම් මෙම තරග සංචාරය පිළිබඳව නැවත සලකා බැලීමට සිදුවනු ඇත.

ශ්‍රී ලංකා ක්‍රිකට් කණ්ඩායම මෙම මස 27 වැනිදා සිට ඔක්තෝම්බර් මස 02 වැනිදා දක්වා කරච්චි නුවරදී එක්දින තරග 3 කටද, ඔක්තෝබර් මස 5 වැනිදා සිට 9 වැනිදා දක්වා ලාහෝර් නුවරදී විස්සයි-20 තරග 3 කටද සහභාගිවීමට නියමිතව සිටියි.

Related posts

හඹා යෑමේ අභියෝගය ගැන දික්වැල්ල කතා කරයි

Web Admin

සුපිරි පළාත් තරගාවලිය කරුණු කිහිපයක් මත ඉතා වැදගත් – දඹුල්ල නායිකාව චමරි අතපත්තු කියයි

Web Admin

Sri Lanka squad for the 2-match Test series vs Bangladesh

Web Admin