Emerging Team Featured Media Centre News

සිව්දින තරගයේ පළමු දිනය වැස්සට සේදෙයි

සංචාරක ශ්‍රී ලංකා නැගී එන කණ්ඩායම සහ බංග්ලාදේශ නැගී එන කණ්ඩායම අතර කොක්ස් බසාර්හි ශෙයික් කමාල් ජාත්‍යන්තර ක්‍රීඩාංගණයේදී අද (03 දා) ආරම්භ වීමට නියමිතව තිබූ දෙවැනි නිල නොවන ටෙස්ට් තරගය වර්ෂාව නිසා අත හැර දැමීමට විනිසුරුවන්ට සිදුවිය.

පෙර දිනයේ සිටම ක්‍රීඩාංගණය හා ඒ අවට ප්‍රදේශයට ඇද හැළුණු වර්ෂාව හේතුවෙන් මුළු ක්‍රීඩාංගණයම තෙත බරිත තත්ත්වයෙන් පැවැති හෙයින් පළමු දිනට තරගය අතහැර දමන ලද්දේ කාසියේ වාසිය ද උරගා බැලීමෙන් තොරවය.

ප.ව.2 ට ක්‍රීඩාංගණයේ නිරීක්ෂක චාරිකාවක නිරත වූ විනිසුරුවෝ ක්‍රීඩාංගණයේ තත්ත්වය අනුව සවස් යාමය තෙක් බැළුවද තරගය ආරම්භ කිරීමේ හැකියාවක් නොමැති බව වැටහී යෑම නිසා එම අවස්ථාවේදීම පළමු දිනට තරගය අත හැර දැමීමට පියවර ගත් බව ශ්‍රී ලංකා ක්‍රිකට් වෙත අදහස් දක්වමින් එම කණ්ඩායම් කළමනාකරු චමින්ද මෙන්ඩිස් මහතා සඳහන් කර සිටියේය.

“මේ ක්‍රීඩාංගණය තියෙන්නේ මුහුද පැත්තට ආසන්න වෙන්න. ක්‍රීඩාංගණයේ තියෙන තත්ත්වය අනුව අද තරගය කොහොමටත් ආරම්භ කිරීමේ හැකියාවක් තිබුණේ නෑ. ක්‍රීඩාංගණයේ තත්ත්වයත් එතරම් හොඳ තත්ත්වයක නෑ. මේ විදියට වහින එක නැවතුණේ නැත්නම් හෙටත් තරගය ආරම්භ කරන්න පුලුවන් වෙයිද කියන එක විශ්වාස කරන්න බෑ”යි තේරීම් කමිටුවේ සාමාජිකයකු ලෙසින් කටයුතු කරන මෙන්ඩිස් මහතා අවධාරණය කර සිටියේය.

තරග 2 කින් සමන්විත දෙරට අතර නිල නොවන ටෙස්ට් තරගාවලියේ කුල්නාහි පැවැති පළමු තරගයටද වර්ෂාවෙන් බාධා ඇති වුණු අතර එම තරගය විසඳුමකින් තොරව අවසන් විය. හෙට (04 දා) තරගයේ දෙවැනි දිනයයි.

Related posts

Sri Lanka and India lock horns in a test of strength

Web Admin

අවිෂ්ක වීරයා වෙමින් වසර 9කට පසු ශ්‍රී ලංකාව මව්බිමේදී ඉන්දියාව පරදවයි

Chamila Karawita

Shakib, Faulkner, Bavuma register for LPL 2

Web Admin