A Team Featured News Sinhala Column

‘ඒ’ එක්දින තරගාවලියේ ජය බංග්ලාදේශයට

ශ්‍රී ලංකා ‘ඒ’ හා බංග්ලාදේශ ‘ඒ’ අතර බෙත්තාරාම ආර්.ප්‍රේමදාස ක්‍රීඩාංගණයේදී පැවැති තෙවන හා අවසාන එක්දින තරගයේදී අයහපත් කාලගුණය මත ඕවර සංඛ්‍යාව අඩු කිරීමේන් පසුව ඩක්-වර්ත්-ලුවිස් ක්‍රමයට බංග්ලාදේශය ලකුණු 98කින් සහ තරග 2-1ක් ලෙසට තරගාවලියේ ජයද අත්කර ගත්තේය.

මුලින් පන්දුවට පහරදුන් බංග්ලාදේශය ඕවර 50දී කඩුලු නවයක් දැවී රැස්කළ ලකුණු සංඛ්‍යාව 322කි. වර්ෂාව පතිතව අයහපත් කාලගුණයේ බලපෑමෙන් ඩක්-වර්ත් ක්‍රමයට ශ්‍රී ලංකාවට ලැබුණු ජයග්‍රහණ ඉලක්කය වූයේ ඕවර 24.4 කදී ලකුණු 229ක් ලැබෙන පරිදිය. ඕවර 24.4 අවසානයේ ශ්‍රී ලංකාව කඩුලු හයක් දැවී ලබා ගත්තේ ලකුණු 130කි.

මේ තරගයේ කාසියේ වාසිය දිනාගත් – ශ්‍රී ලංකා ‘ඒ’ කණ්ඩායම පන්දුවට පහරදීම බංග්ලාදේශ ‘ඒ’ පිලට පැවරීමට ගත් තීරණය කාලෝචිත නොවූයේ වැසි සහිත දිනයක පසුව පන්දුවට පහරදීම අසීරු කරුණක්වූ හෙයිනි.

ශ්‍රී ලංකාවට ලැබුණු ඕවර 24.4ක ලකුණු 229ක ඉලක්කය අනුව ඕවරයකට ලකුණු නවයකටත් වඩා ලබැගැනීමට අවශ්‍යවූ අසීරුම තත්ත්යක් විණි. ශ්‍රී ලංකා තෙවන කඩුල්ලට කමිඳු මෙන්ඩිස් සහ නායක අෂාන් ප්‍රියංජන් ඕවර 11.2කදි ලකුණු 63 කණ්ඩායමේ හොඳම සබඳතාවයි. කමිඳු මෙන්ඩිස් ලකුණු 55ක්ද (පන්දු 65යි හතරේ දෙකයි හයේ තුනයි) අෂාන් ප්‍රියංජන් ලකුණු 34ක්ද (පන්දු 35යි හතරේ හතරයි) රැස කළහ.

බංග්ලාදේශයේ සයිෆ් හසන් ලකුණු 117ක් (පන්දු 110යි හතරේ 12යි හයේ තුනයි) ලැබීය.

  • බංග්ලාදේශ ‘ඒ’ ඕවර 50දී කඩුලු 9ට 322යි. – සයිෆ් හසන් 117, මොහොමඩ් නයිම් 66, මොහොමඩ් මිතුන් 32, විශ්ව ප්‍රනාන්දු 69ට 3 අසිත ප්‍රනාන්දු 50ට 4
  • ශ්‍රී ලංකා ‘ඒ’ ඕවර 24.4දී කඩුලු හයට 130යි. – කමිඳු මෙන්ඩිස් 55 අෂාන් ප්‍රියංජන් 34, එබඩට් හොසේන් 26ට 2, සයිෆ් හසන් 25ට 2

බන්දුල මොල්ලිගොඩ.

-The opinions expressed here are the views of the writer and do not necessarily reflect the views and opinions of Sri Lanka Cricket-

Related posts

ඉඩෝරයට මල් වැස්සක් වූ ‘ක්‍රිකට් වසන්තය’

Chamila Karawita

Jaffna Kings bounce back with a vengeance to defeat Galle Gladiators in final by 23 runs to retain LPL Championship Title

Web Admin

නැගී එන කණ්ඩායම් අතර තුන්කොන් සටනේ ජය ශ්‍රී ලංකාවට

Web Admin