Featured News Sinhala Column

දැන් අපි ඉන්නේ හොඳම රිදම් එකක – අසන්ත ද මෙල් කියයි

දැන් අපි ෆුල් රිදම් එකට (නියමානුකූල රිද්මයට) ඇවිත් ඉන්නේ අවශ්‍ය වන්නේ මෙය දිගටම පවත්වාගෙන යාම යැයි ශ්‍රී ලංකා ක්‍රිකට් කණ්ඩායමේ කළමණාකරු අසන්ත ද මෙල් ශ්‍රී ලංකා 20-20 ක්‍රිකට් කණ්ඩායමේ ඕස්ට්‍රේලියානු සංචාරයට පෙර ශ්‍රී ලංකා ක්‍රිකට් වෙබ් අඩවිය සමඟ පැවැති සාකච්ඡාවකදී පැවැසීය.

සටන්කාමී තරගකාරීත්වය , ජයග්‍රහණය ලබන අරමුණින් ක්‍රීඩාකිරීම , කණ්ඩායමේ එකමුතුභාවය හා ශාරීරික යෝග්‍යතාවයන් යන සියළු කරුණුවලින් අප දැන් සියයට සියයක්ම හොඳින්ම සිටින්නේ යැයි අසන්ත ද මෙල් කීය.

ජයග්‍රහණ ලබාගෙන යන විට එය පවත්වාගෙන යාම පහසුයි. ඒ වගේම තියුණු අයුරින් තරගවැදීමටත් ප්‍රතිවාදීන් අභිබවායාමටත් අවස්ථාව උදාවනවා. මෙය පවත්වා ගෙනයාමෙන් සුබ අනාගතයකට මාර්ග විවෘතවනු ඇතැයි කී ක්‍රිකට් කළමණාකාරවරයා දැන් සියල්ල සාර්ථකව ක්‍රියාත්මකවීම පිළිබඳව සතුටුවිය හැකි යැයිද කීවේය.

කළක් නොයෙක් කටකතා තිබුණා කණ්ඩායමේ එකමුතුභාවය ගැනත් නිතර ක්‍රීඩකයන් ආබාධයන්ට ළක්වීම පිළිබඳවත් දැන් එහෙම කිසිවක් නෑ. ක්‍රීඩකයන් එකමුතුව ටීම් එකක් විදිහට ගහනවා. ආබාධයන්ට ළක්ව සිටි ක්‍රීඩකයන් දෙතුන්දෙනාත් දැන් සම්පූර්ණ සුවය ලබා සිටිනවා. එම සියළු කරුණු ධනාත්මකව සිදුව ඇතැයිද අසන්ත ද මෙල් ප්‍රකාශ කළේය.

ඕස්ට්‍රේලියා ක්‍රිකට් කණ්ඩායම 20-20 වුවත් ඕවර 50 හෝ ටෙස්ට් තරගවුවත් ඕනෑම අවස්ථාවක දක්ෂතා පෙන්වන කණ්ඩායමක්. ඒත් ශ්‍රී ලංකා කණ්ඩායම දැන් පෙන්වන දක්ෂතා සහ ජයග්‍රහණ ඉදිරියටම පවත්වගෙන යාම අනිවාර්යය විය යුතුවේ. එය කළ හැකි තරුණ දක්ෂ ක්‍රීඩකයන් රැසක්ම අප සතුව සිටින බවද අසන්ත ද මෙල් කීය.

බන්දුල මොල්ලිගොඩ.

-The opinions expressed here are the views of the writer and do not necessarily reflect the views and opinions of Sri Lanka Cricket-

Related posts

ශ්‍රී ලංකා යොවුන් පිල කඩුලු 4 ට ලකුණු 182 යි

Chamila Karawita

ICC Chairman met Sri Lanka President

Web Admin

ජයග්‍රාහී මානසිකත්වය දිගටම ගෙන යමු

Web Admin