Featured Media Centre News Sri Lanka tour of Pakistan 2019

මිනෝද් භානුක එක්දින වරම්

එක්දින තරගාවලිය සමව අවසන් කර ගැනීම සඳහා ශ්‍රී ලංකා කණ්ඩායමට ජයග්‍රහණය අතිශය තීරණාත්මක පාකිස්තානයට එරෙහිව පැවැත්වෙන තෙවැනි එක්දින තරගයේදී කාසියේ වාසිය දිනා ගත් ශ්‍රී ලංකා නායක ළහිරු තිරිමාන්න ප්‍රථමයෙන් පන්දුවට පහර දීමට තීරණය කළේය.

කරච්චි ජාතික ක්‍රීඩාංගණයේ පැවැත්වෙන මෙම තරගයේදී ශ්‍රී ලංකා කණ්ඩායම වෙනස්කම් 3 ක් සිදු කරමින් තරගයට අවතීර්ණ වී සිටින අතර ඒ අතර මංගල එක්දින තරග වරම් දිනා ගැනීමට කඩුලු රකින මිනෝද් භානුකට අවස්ථාව උදාවිය. භානුකට එක්දින වරම් දිනා ගැනීමේදී  එය සංකේතවත් කෙරෙන එක්දින කැප් තොප්පිය වත්මන් ශ්‍රී ලංකා කණ්ඩායමේ කලමනාකරු අසන්ත ද මෙල් මහතා අතින් පිරිනමන ලදී. ඒ අනුව ඔහු ශ්‍රී ලංකාව වෙනුවෙන් එක්දින වරම් දිනා ගත් 192 වැන්නා ලෙසින් ඉතිහාසයට එක්වී සිටියි.

දේශීය ක්‍රීඩා සමාජ සහ පළාත් තරගාවලිවලදී පිතිකරුවකු ලෙස කැපී පෙනෙන දස්කම් දැක්වීමට සමත්ව සිටින මිනෝද් භානුක පළමු පෙළ තරග 45 කට ක්‍රීඩා කරමින් ලකුණු 2854 ක් රැස් කර ගැනීමට සමත්ව තිබේ. ඉනිමක ලකුණු ලබා ගැනීමේ සාමාන්‍ය 43.90 ක් රඳවා ගැනීමට සමත්ව සිටින භානුක ශතක 9 ක් සහ අර්ධ ශතක 8 ක් රැස් කර ගැනීමට සමත්ව තිබේ. වමතින් පිත්ත හසුරුවන භානුක කරුණෑගල මලියදේව විදුහල නියෝජනය කරමින් ජාතික තලයට පැමිණීම තිබේ.

මිනෝද් කණ්ඩායමට පැමිණීමේදී කඩුලු දෙවැනි තරගයේදී කඩුලු රකින්නා ලෙසින් කටයුතු කරන ලද සධීර සමරවික්‍රමට සිය ස්ථානය අහිමිවී තිබේ. සෙසු වෙනස් කම් 2 දී ඕෂධ ප්‍රනාන්දු වෙනුවට ඇන්ජලෝ පෙරේරාද, ඉසුරු උදාන වෙනුවට ලක්ෂාන් සඳකැන්ද අවසන් 11 දෙනා අතර ස්ථානය දිනාගැනීමට සමත්වූ ක්‍රීඩකයෝ වෙති.

තරගාවලිය 1-0 ක් ලෙස පෙරමුණ ගෙන සිටින පාකිස්තානු කණ්ඩායමද අද තරගයේදී වෙනස් කම් 2 ක් සිදු කරමින් අවතීර්ණ වී සිටින අතර දෙවැනි තරගය අතරතුරදී තුවාල ලත් ආරම්භක පිතිකරු ඉමාම් උල් හක් සහ ඉමාඩ් වසීම් අද තරගයට ක්‍රීඩා නොකරන අතර ඔවුන් වෙනුවට අබීඩ් අලී සහ මොහොමඩ් නවාස් කණ්ඩායමට කැඳවා තිබේ.

ශ්‍රී ලංකා පිල – 1. ළහිරු තිරිමාන්න, 2. ධනුෂ්ක ගුණතිලක, 3. අවිශ්ක ප්‍රනාන්දු, 4.ඇන්ජලෝ පෙරේරා, 5. මිනෝද් භානුක, 6. ෂෙහාන් ජයසූරිය, 7. දසුන් ශානක, 8. වනිඳු හසරංග, 9. ලක්ෂාන් සඳකැන්, 10. ළහිරු කුමාර, 11. නුවන් ප්‍රදීප්.

පාකිස්තානු පිල – 1. ෆකාර් සමාන්, 2. අබීඩ් අලී, 3. බාබර් අසාම්, 4. හැරිස් සොහෙල්, 5. ඉෆ්තිකාර් අහමඩ්, 6. ශෆ්‍රාස් අහමඩ්, 7. මොහොමඩ් නවාස්, 8. ශාදාබ් ඛාන්, 9. වහාබ් රියාස්, 10. මොහොමඩ් ආමර්, 11. උස්මාන් ශින්වාරි.

Related posts

දිමුත් සහ ළහිරු දිගු සම්බන්ධතාවයකට මුලපුරයි

Chamila Karawita

Sri Lanka Under 19 squad for Youth One Day series against England

Web Admin

රසල්ගේ වාර්තාගත ඉනිමෙන් ‘කලම්බු කිංග්ස්’ දෙවැනි ජයත් ලබයි

Chamila Karawita