A Team Featured News Sinhala Column

ශ්‍රී ලංකා ‘ඒ’ ප්‍රබල තත්ත්වයක : සංගීත් කුරේ 104යි

ශ්‍රී ලංකා ‘ඒ’ – බංගලාදේශ ‘ඒ’ කණ්ඩායම් අතර පැවැත්වෙන තුන්දින තරගයේ බංග්ලාදේශ ‘ඒ’ කණ්ඩායම මුල් ඉනිමේදී ලබාගත් ලකුණු 360ට පිළිතුරු ලෙස දෙවන දින තරගය නිමවන විට ශ්‍රී ලංකා ‘ඒ’ කණ්ඩායම කඩුලු දෙකකට ලකුණු 204ක් ලබා ප්‍රබල තත්ත්වයක පසුවිණි.

හම්බන්තොට සූරියවැව මහින්ද රාජපක්ෂ ක්‍රීඩාංගණයේ පැවැත්වෙන මේ තරගයේ දෙවන දිනයේ විශේෂත්වය වූයේ ශ්‍රී ලංකා ‘ඒ’ ආරම්භක පිතිකරු සංගීත් කුරේ අගනා ශතකයක් (ලකුණු 104යි පන්දු 151යි හතරේ 15යි) ලබා ගැනීමය. බංග්ලාදේශ  ‘ඒ’ කණ්ඩායමේ ජහුරුල් ඉස්ලාම් (90) සහ මොහොමඩ් මිතුන් ද (92) ලකුණු අතරට පිවිසියහ.

කණ්ඩායම් දෙක අතර කටුනායක පැවැත්වීමට නියමීත වූ නිල නොවන සිව්දින ප්‍රථම ටෙස්ට් තරගය අයහපත් කාලගුණය මත අවලංගු කිරීමේන් පසු මෙය දැන් තෙදින තරගයක් ලෙස සූරියවැවදී පැවැවත්වේ.

බංග්ලාදේශ කණ්ඩායම කාසිය වාසිය දිනා මුලින් පන්දුවට පහරදීමට තීරණය කර මුලින් ඉනිමේ ලබාගත් ලකුණු 360 විශාල ලෙස දායකවුයේ මොහොමඩ් මිතුන් (ලකුණු 92 පන්දු 120යි හතරේ 10යි හයේ 6යි) ජහුරුල් ඉස්ලාම් (ලකුණු 90යි පන්දු 210යි හතරේ 8යි) මෙහඩි හසන් මිරාස් (ලකුණු 57යි පන්දු 114යි හතරේ 7යි) සහ ෂඩ්මන් ඉස්ලාම්ය ( ලකුණු 53යි පන්දු 112යි හතරේ 8යි) ජහුරුල් ඉස්ලාම් සහ මිතුන් සිව්වන කඩුල්ලට එක්කළ ලකුණු 137 කණ්ඩායමේ හොදම සබදතාවයයි. දක්ෂ පන්දු යැවීමක නිරතවූ අසිත ප්‍රනාන්දු (59ට කඩුලු තුනයි) සහ කමිදු මෙන්ඩිස් (57ට කඩුලු 3යි) කඩුලු තුන බැගින් දවාලූහ.

ශ්‍රී ලංකා ‘ඒ’ පන්දුවට පහරදීමට පැමිණි අවස්ථාවේ ඔවුන් ලකුණු රැස්කළේ ඕවරයකට ලකුණු හතරක් පමණ වන වේගයකින් යුතුවය. සංගීත් කුරේ පන්දු 151කදී හතරේ 15ක් සමග ලකුණු 104ක්ද කමිදු මෙන්ඩිස් පන්දු 141කදී හතරේ අටක් සමග නොදැවී ලකුණු 79ක්ද ලැබුවේ දෙවන කඩුල්ලට ඕවර 43කදී අගනා ලකුණු 165 සබදතාවයක්ද තබාගනිමිනි.

  • ලකුණු විස්තරය – බංග්ලාදේශය ‘ඒ’ මුල් ඉනිම ලකුණු 360යි (ඕවර 120.1)

මොහොමඩ් මිතුන් 92, ජහුරුල් ඉස්ලාම් 90, මෙහෙඩි හසන් මිරාස් 57,ෂඩ්මන් ඉස්ලම් 53, අසිත ප්‍රනාන්දු 59ට 3, රුමේශ් මෙන්ඩිස් 57ට 3

  • ශ්‍රී ලංකා ‘ඒ’ දෙවන දින තරගය නිමවන විට කඩුලු 2ට 204යි.

සංගීත් කුරේ 104යි, කමිදු මෙන්ඩිස් නොදැවී 79

බන්දුල මොල්ලිගොඩ

-The opinions expressed here are the views of the writer and do not necessarily reflect the views and opinions of Sri Lanka Cricket-

Related posts

අකිල අද චෙන්නායි යයි

Web Admin

සී.සී.සී. පිලට තියුණු ජයක්

Chamila Karawita

Kurunagala YCC upset Chilaw Marians, CCC down Galle CC, NCC beat Bloomfield

Web Admin