A Team Featured News Sinhala Column

ශ්‍රී ලංකා ‘ඒ’ විශිෂ්ට ජයග්‍රාහණයක් අත්කරගනී.

ශ්‍රී ලංකා ‘ඒ’ – බංග්ලාදේශ ‘ඒ’ කණ්ඩායම් අතර මාලිගාවත්ත ආර්.ප්‍රේමදාස ක්‍රීඩාංගණයේ බදාදා(9) පැවැති ප්‍රථම නිලනොවන එක්දින තරගයෙන් ශ්‍රී ලංකාව කඩුලු හතක පහසු ජයග්‍රහණයක් අත්කර ගත්තේ තවත් පන්දු 145ක් ඉතිරිව තිබියදීය.

බංග්ලාදේශ කණ්ඩායම සියලුම පිතිකරුවන් ඕවර 33.3කදී දැවී ලබාගත් ලකුණු 116ට පිළිතුරු ලෙස ශ්‍රී ලංකාව ලකුණු 120ක් රැස්කර ජයගත්තේ ඕවර 25.5ක් වැනි ඉනිමේ අඩක් පමණක් ගතවද්දීය.

එක්දින තරග කළින් සූරියවැව පැවැත්වීමට නියමිතව තිබුණත් පසුව එය ප්‍රේමදාස ක්‍රීඩාංගණයට මාරුකැරිණි. බංග්ලාදේශය කාසියේ වාසිය දිනා මුලින් පන්දුවට පහරදීමට තීරණය කළද ඔවුනට කිසිදු අවස්ථාවක ලකුණු අතරට පිවිසීමට අවස්ථාවක් නොදිමට ලංකා පන්දු යවන්නන් සහ පන්දු රකින්නන්ද මෙහිදී විශිෂ්ට කාර්යයන් හි නිරතවනු දක්නට ලැබිණි. චාමික කරුණාරත්න ලකුණු 17කට කඩුලු 2ක්ද රමේෂ් මෙන්ඩිස් ලකුණු 17කට කඩුලු 2ක්ද දවාලූහ.

ශ්‍රී ලංකා ‘ඒ’ නායක අෂාන් ප්‍රියංජන් නායකත්ව ඉනිමක් ක්‍රීඩාකරමින් පන්දු 62කදී නොදැවී අර්ධ ශතකයන් (ලකුණු 50යි) ලබාගත්තේ හතරේ තුනක් හා හයේ දෙකක් සමගය. ඊට අමතරව ප්‍රියමාල් පෙරේරා නොදැවී ලකුණු 24ක් ලබාගත්තේ පන්දු 37කට මුහුණදෙමින් හතරේ පහරක් හා හයේ පහරක් සමගිනි.මොවුන් දෙදෙනා සිව්වන කඩුල්ලට ඕවර 12.2කදී නොදැවී එක්කළ ලකුණු ප්‍රමාණය 69කි. කමිදු මෙන්ඩිස් පන්දු 28කට මුහුණදී හතරේ තුනක් හයේ පහරක් සමග ලැබූ ලකුණු සංඛ්‍යාව 23කි.බංග්ලාදේශයේ වැඩිම ලකුණු ලාභියා වූ සයිෆ් හසන් පන්දු 47කදී හතරේ හතක් සමග ලකුණු 32ක් ලැබීය.

  • බංග්ලාදේශය ‘ඒ’ ඕවර 33.3කදී 116යි.

සයිෆ් හසන් 32, නජ්මුල් හොසේන් 24, චාමික් කරුණාරත්න 17ට 2යි, රමේෂ් මෙන්ඩිස් 17ට2

  • ශ්‍රී ලංකා ‘ඒ’ ඕවරය 25.5දී කඩුලු තුනට 120යි.

අෂාන් ප්‍රියංජන් නොදැවි 50යි ප්‍රියමාල් පෙරේරා නොදැවී 24,කමිදු මෙන්ඩිස් 23,සදුන් වීරක්කොඩි 16

බන්දුල මොල්ලිගොඩ

Related posts

Sri Lanka tour of Bangladesh 2022 | Itinerary

Web Admin

ටෙස්ට් ක්‍රිකට් දින ගණන් ගැන ප්‍රවීණයන්ගේ අදහස්

Web Admin

None of the current national players are under investigation by the ICC Anti-Corruption Unit

Web Admin