News Sinhala Column Under 19

ශ්‍රී ලංකා 19න් පහළ පිල 29වැනිදා කොදෙව් දූපත් බලා යති

බටහිර ඉන්දීය කොදෙව් දූපත්හි දෙසැම්බර් මස 6 සිට 21 දක්වා පැවැත්වෙන තුන්කොන් එක්දින තරගාවලියට සහභාගිවීම සදහා ශ්‍රී ලංකා අවුරුදු 19න් පහළ ක්‍රිකට් කණ්ඩායම මේ මස 29වැනිදා රාත්‍රි කොදෙව් දූපත් බලා පිටත්ව යති. 

    මේ තරගාවලියට සහභාගිවන කණ්ඩායම් වන්නේ එංගලන්තය, ශ්‍රී ලංකාව සහ බටහිර ඉන්දීය කොදෙව් දූපත්ය.

    සියළුම තරග පැවැත්වෙනුයේ ඇන්ටිගුටා දූපතේදීය. දෙසැම්බර් මස 21 වැනිදා පැවැත්වෙන අවසාන මහා තරගයට පෙර තරග නවයක් කණ්ඩායම් තුන අතර පැවැත්විමට නියමිතය. එම තරග පැවැත්වෙනුයේ ශ්‍රීමත් විවියන් රිචඩ්ස් ක්‍රීඩාංගණය, මැක්පොන්ඩ් ක්‍රීඩාංගණය සහ කූලිග්හි සී.සී.ජී.ක්‍රීඩාංගණයන් හි දීය.

    2020 ජනවාරි 17 සිට පෙබරවාරි 9 වැනිදා දක්වා දකුණු අප්‍රිකාවේ පැවැත්වෙන ලෝක කුසලාන අවුරුදු 19න් පහළ තරගාවලියට සූදානම් වීමේ අරමුණින් මේ කණ්ඩායම් තුන තරගවදිති. කොදෙව් තුන්කොන් තරගාවලියෙන් පසුව ශ්‍රී ලංකා කණ්ඩායම දෙසැම්බර් 22 වැනිදා ආපසු පැමිණීම නියමිතය.

  • තරග සටහන
  • දෙසැම්බර් 6        – එංගලන්තය හා ශ්‍රී ලංකාව 
  • දෙසැම්බර් 7         – බටහිර ඉන්දීය කොදෙව් දූපත් – ශ්‍රී ලංකාව
  • දෙසැම්බර් 9        – කොදෙව් දූපත් – එංගලන්තය
  • දෙසැම්බර් 10        – කොදෙව් දූපත් – ශ්‍රී ලංකාව
  • දෙසැම්බර් 12     – එංගලන්තය – ශ්‍රී ලංකාව
  • දෙසැම්බර් 13     – කොදෙව් දූපත් – එංගලන්තය
  • දෙසැම්බර් 15        – කොදෙව්දූපත් – ශ්‍රී ලංකාව
  • දෙසැම්බර් 17        – ශ්‍රී ලංකාව – එංගලන්තය
  • දෙසැම්බර් 19        – කොදෙව් දූපත් – එංගලන්තය
  • දෙසැම්බර් 21        – අවසාන මහා තරගය

බන්දුල මොල්ලිගොඩ

Related posts

අනාගත ක්‍රිකට් තරු ගවේෂන වැඩසටහන පොළොන්නරුවෙන් ඇරඹෙයි

Chamila Karawita

බලාපොරොත්තු තබන් යොවුන් පිල ක්‍රිකට් උපන් දේශයට යයි

Chamila Karawita

විස්සයි-20 ජයත් සමඟ ශ්‍රී ලංකාව බලාපොරොත්තු සහගතව ක්දින තරගාවලියට

Chamila Karawita