Featured News Sinhala Column Under 19

19න් පහළ කණ්ඩායම තව තරගාවලියන් දෙකකට

බංග්ලාදේශයේ එක්දින හතරකට සහභාගිවී අඟහරුවාදා (19) රාත්‍රි ආපසු පැමිණි ශ්‍රී ලංකා අවුරුදු 19න් පහළ ක්‍රිකට් කණ්ඩායම ඉදිරි මාස තුන තුළ සංචාරයන් දෙකකට සහභාගිවීමට නියමිතය.

ලංකා 19න් පහළ පිල මේ මස අවසානයේ සිට කොදෙව් දූපත්හිදීත් ජනවාරි 17 සිට පෙබරවාරි 9 දක්වා දකුණු අප්‍රිකාවේදී මීළග ලෝක කුසලාන තරගාවලියටත් සහභාගිවෙති. කොදෙව් දූපත්හි ලංකා පිල සහභාගිවන්නේ ලෝක කුසලානයට සූදානම් වීමේ පෙරහුරු තරග (පුහුණු) ලෙසිනි.

2020 වසරේ ජනවාරි 17 සිට පෙබරවාරි 9 දක්වා දින 24ක කාලයක් තුළ දකුණු අප්‍රිකාවේ නගර හතරකදී පැවැත්වෙන දහතුන් වන අවුරුදු 19න් පහළ ලෝක කුසලාන ක්‍රිකට් තරගාවලියට කණ්ඩායම් 16ක් ඉදිරිපත්ව සිටිති.

‘ඒ’ කොටසට ඉන්දියාව, නවසීලන්තය, ශ්‍රී ලංකාව සහ ජපානය අයත්වේ. ඉන්දියාව හිටපු ලෝකසූරයන්ය. ජපානය ජගත් ක්‍රිකට් සමුළුව සංවිධානය කරන මෙවැනි තරගාවලියකට සහභාගීවන ප්‍රථමවතාව මෙයවේ. ශ්‍රී ලංකාවේ ප්‍රථම තරගය පැවැත්වෙන්නේ ජනවාරි 19වැනිදා ඉන්දියාව සමගය.

මෙවර තරගාවලියේ ‘බී’ කොටසට එංගලන්තය, ඕස්ට්‍රේලියාව, බටහිර ඉන්දීය කොදෙව්දූපත් හා නයිජීරියාවත් ‘සී’ කොටසට පාකිස්තානය, බංග්ලාදේශය, සිම්බාබ්වේ සහ ස්කොට්ලන්තයත් ‘ඩී’ කොටසට ඇෆ්ගනිස්ථානය, දකුණු අප්‍රිකාව, එක්සත් අරාබි එමීර් රාජ්‍ය සහ කැනඩාවත් අයත්වේ.

ශ්‍රී ලංකා කණ්ඩායමේ මූලික තරග ජනවාරි 19 ඉන්දියාව සමගත් ජනවාරි 22 නවසීලන්තය සමගත් ජනවාරි 25 ජපානය සමගත් පැවැත්වීමට නියමිතය. මූලිකවටයේ තරග පැවැත්වනුයේ ලීග් ක්‍රමයටය.

දකුණු අප්‍රිකාව මෙවර 19න් පහළ ලෝක කුසලාන තරගාවලිය සංවිධානය කරන්නෙ දෙවැනි වතාවටය. 1998දී ඔවුන් ප්‍රථමවරට මේ තරගාවලිය සංවිධානය කළ අතර 2014 වසරේදී සූරතාවද දිනාගන්නා ලදී. මෙවර දකුණු අප්‍රිකාවේ මෙම තරගාවලිය පැවැත්වෙන්නේ බෙනොනි, පොට් චෙෆ්ට්‍රම්, බ්ලොම්ෆොන්ටන් හා කිම්බර්ලි යන නගර හතරේදීය.

බන්දුල මොල්ලිගොඩ

-The opinions expressed here are the views of the writer and do not necessarily reflect the views and opinions of Sri Lanka Cricket-

Related posts

Sri Lanka Women lose warm-up match to South Africa Women

Web Admin

ACC Women’s Emerging Teams Asia Cup Sri Lanka 2019 – Itinerary

Web Admin

මේ කණ්ඩායම ගැන මට විශ්වාසයක් තියෙනවා – දසුන් ශානක

Chamila Karawita