Featured Media Centre News Sri Lanka tour of Pakistan 2019

පාකිස්තානු ක්‍රිකට් ප්‍රධානියා අතින් බන්දුල වර්ණපුරට සමරු තිළිණයක්

පාකිස්තානයට දෙවැනි වතාවට ටෙස්ට් වරම් හිමිකර දෙමින් ලැබුණු ටෙස්ට් තරගය බවට පත් වුණු සංචාරක ශ්‍රී ලංකා කණ්ඩායම සහ පාකිස්තානය අතර අද (11 දා) ආරම්භ වුණු ටෙස්ට් තරගයේදී විශේෂ ආරාධිතයකු වුණු ශ්‍රී ලංකාවේ පළමු ටෙස්ට් නායක බන්දුල වර්ණපුර මහතාව ඇගැයීමකට ලක් කරමින් පාකිස්තානු ක්‍රිකට් ආයතන සභාපතිවරයා විසින් සමරු තිළිණයක් පිරිනැමීම දිනයේ කැපී පෙනුණි. 

මෙම අවස්ථාව සඳහා ශ්‍රී ලංකාව සමඟ පළමු ටෙස්ට් තරගයේදී පාකිස්තානු පිලට නායකත්වය ලබා දුන් ජාවෙඩ් මියැන්ඩාඩ් මහතාද සහභාගිවූ අතර ඔහුටද පාකිස්තානු ක්‍රිකට් සභාපතිවරයා විසින් සමරු තිළිණයක් පිරිනැමීය. 

37 වසරකට පෙර ටෙස්ට් පිටියේදී මුණ ගැසුණු මෙම සුවිශේෂී නායකයින් දෙපළ වෙනුවෙන් වූ සමරු තිළිණය පිරිනැමීම දිවා විවේකය සඳහා තරගය නතර කරන ලද අවස්ථාවේදී පිරිනැමිණ. 

දශකයට අධික කාලයක් තිස්සේ ටෙස්ට් තරගයක් පැවැත්වීමට නොහැකි වුණු පාකිස්තානයට අද ඇරැඹි ටෙස්ට් තරගය ඉතාම සුවිශේෂී තරගයක් බවට පත්ව තිබෙන්නේ ත්‍රස්තවාදීන්ගේ ප්‍රහාරයට ලක්ව දරුණු කම්පනයට පත් ශ්‍රී ලංකා කණ්ඩායමම යළිත් ඔවුන්ගේ රටට පැමිණ තරග වදිනු ලබන ලොව පළමු ටෙස්ට් ක්‍රිකට් ක්‍රීඩා කරන රට බැවිනි. එම සුවිශේෂී අවස්ථාව වර්ණවත් කිරීම නිමිත්තෙන් පාකිස්තානු ක්‍රිකට් පාලක මණ්ඩලය විසින් වර්ණපුර සහ මියැන්ඩාඩ් අදාළ තරගයේ සුවිශේෂී පුද්ගලයින් ලෙසින් නම් කොට කැඳවීමට පියවර ගැනුණි.  

පාකිස්තානය සහ ශ්‍රී ලංකාව යනු රාජ්‍ය තාන්ත්‍රික් මට්ටමේ සිටම සහෝදර මට්ටමින් කටයුතු කරන රටවල් දෙකක් බැවින් ක්‍රිකට් ක්‍රීඩාවේදීද එම සහෝදර කම දැඩිව බැඳී පවතියි. ටෙස්ට් තරග අංශයේදී මීට වසර 37 කට පෙර බැඳුණු එම සහෝදර සෙනෙහස හෙට දිනයේදීද යළි මතකයට රැගෙන එනු ලැබීය.

Related posts

ක්‍රීඩිකාවන්ගේ දක්ෂතා මැන බැලෙන සුපිරි පළාත් සටන 24 දා ඇරඹෙයි

Web Admin

එක්දින සහ විස්සයි-20 තරගාවලියකට ශ්‍රී ලංකාව එංගලන්තයට

Chamila Karawita

New Sri Lanka Head Coach, Chris Silverwood wants batsmen to play attacking, smart cricket

Web Admin