Featured News Sinhala Column Sri Lanka tour of Pakistan 2019

රාවල්පින්ඩි ඌෂ්ණත්වය සෙන්ට්‍රිග්‍රේඩ් අංශක පහයි අප සියල්ලටම සූදානම් – කළමණාකරු අසන්ත ද මෙල් පවසයි

රාවල්පින්ඩි නගරයේ මේ කාලයේ ඇත්තේ සෙන්ටිග්‍රේඩ් අංශක පහක සීත දේශගුණයක් දිවා කාලයේ එම තත්ත්වය මදක් අඩුයි. 11වැනිදා ඇරැඹෙන ප්‍රථම ටෙස්ට් තරගයේ තරග ආරම්භයේ පන්දුව මදක් දෝලනය වූවත් තුන්වන හතරවන දිනවල තණතිල්ල වේගපන්දු දග පන්දු දෙකටම සාමාන වන (ෆ්ලැට්විකට්) බවට පත්වනවා. ඒ නිසා අපගේ අපේක්ෂාව වේගපන්දු යවන්නන් දෙදෙනෙකු දග පන්දු යවන්නන් දෙදෙනෙකු සහ තුන්ඉරියව් ක්‍රීඩකයෙකු යොදා තරග කිරීම යැයි ශ්‍රී ලංකා කණ්ඩායමේ කළමණාකරු අසන්ත ද මෙල් පාකිස්තාන ක්‍රිකට් සංචාරය පිළිබඳව ක්‍රිකට් ආයතනයේ වෙබ් අඩවිය සමග පැවැති සාකච්ඡාවකදී ප්‍රකාශ කළේය.

ආරක්ෂාව පිළිබදව අප දැඩි සැළකිල්ලකින් පසුවනවා. ක්‍රීඩකයන් සියල්ලටම කියා තිබෙනවා හෝටලයෙන් පිටත නොයන ලෙසට එසේ යනවා නම් මගෙන් සහ පාකිස්තාන ආරක්ෂක අංශයේ අවසර ගතයුතුයි. අවසර දුන්නොත් වෙන්නේ ඔවුනට යාමට වෙඩි නොවදින රථ (බුලට්පෲෆ්) සැපයීම සහ යන ස්ථානය වටා සියයකට අධික ආරක්ෂා භටයන් යෙදවීමයි.

          පාකිස්තානය අප කණ්ඩායමට ප්‍රභූ ආක්ෂා සපයනවා. ඔවුන් ආරක්ෂාව පිළිබදව පසුවන්නේ දැඩි සැලකිල්ලකින්. ඊට හේතුව යම්කිසි සිදුවීමක් සිදුවුවහොත් ඔවුනගේ රටතුළ ක්‍රිකට් තරග (ජාත්‍යන්තර) පැවැත්වීම සදහටම නැතිවේව්. 11 වැනිදා ඇරැඹෙන රාවල් පින්ඩ් ප්‍රථම ටෙස්ට් තරගයේදීත් 19 වැනිදා කරච්චියේ දෙවන ටෙස්ට් තරගයේදීත් ආරක්ෂාව පිළිබදව අප අපේ පැත්තෙන් ඔවුනට දිය යුතු උපරිම සහයෝගය ලබාදිය යුතුයි අසන්ත ද මෙල් පැවසීය.

සුරංග ලක්මාල් අසනීප මත තරගාවලියට සහභාගි නොවීම පාඩුවක් හේතුව ඔහු රිවර්ස් ස්වින්ග් පන්දුව ඉතා දක්ෂ ලෙස යැවීමයි. මේ කාර්යය අසිත ප්‍රනාන්දු විශ්ව ප්‍රනාන්දු සහ කසුන්රාජිතත් හොදින් ඉටුකරාවි යැයි අප අපේක්ෂා කරනවා.

උපදේශ පුහුණුකරු මිකී ආතර් අපේ ක්‍රීඩකයන් අතර දැන් ජනප්‍රියයි. ඔහු සමග ක්‍රීඩකයන් හිතවත්ව කටයුතු කරනවා ඔහුගෙන් උපරිම සේවය අප ඉදිරියේදී ගත යුතුව ඇතැයි කණ්ඩායම් කළමණාකරු අසන්ත ද මෙල් වැඩිදුරටත් කීය.

බන්දුල මොල්ලිගොඩ

-The opinions expressed here are the views of the writer and do not necessarily reflect the views and opinions of Sri Lanka Cricket-

Related posts

ශ්‍රී ලංකාවට එරෙහි නවසීලන්ත සංචිතය දඟ පන්දු යවන්නන්ගෙන් සන්නද්ධ කරයි

Web Admin

Galle score 269 and reduce Colombo to 110/6

Web Admin

ක්‍රිකට් වසන්තය උදාකර දීම ගැන පාකිස්තානු ක්‍රිකට් සභාපතිවරයා ශ්‍රී ලංකාවට තුති පුදයි

Web Admin