Emerging Team News Sinhala Column

ශ්‍රී ලංකා නැගී එන පිරිමි කණ්ඩායම මුල් තරග තුනම ජයගනී

    සාග් ක්‍රීඩා උළලේ පිරිමි අවුරුදු 23න් පහළ (නැගී එන) තරගාවලියට සහභාගිවන ශ්‍රී ලංකා කණ්ඩායම ඔවුන් සහභාගිවූ පළමු තරග තුනම ජයගෙන තිබේ.

    පළමු තරගය නේපාලය පරදා ලකුණු 98කින් ජයගත් ශ්‍රී ලංකා කණ්ඩායම දෙවැනි තරගයද පහසුවෙන් ජයගත්තේ ලකුණු 173කින් භූතානය පරදවමිනි. තෙවැනි තරගයේදී ශ්‍රී ලංකාව කඩුලු හයකින් සත්කාරක නේපාලය පරාජය කළේය.

    ශ්‍රී ලංකාව හා මාලදිවයින අතර තරගයේදී ශ්‍රී ලංකාව මුලින් පන්දුවට පහරදෙමින් කඩුලු හතරකට ලකුණු 192ක් (ඕවර 20දී) ලැබීය.කමිදු මෙන්ඩිස් පන්දු 54කදී හතරේ දහයක් හයේ තුනක් සමග නොදැවී ලකුණු 102ක්ද අෂේන් බණ්ඩාර නොදැවී ලකුණු 26ක්ද ෂම්මු අෂාන් ලකුණු 22ක්ද රැසකළහ. මාලදිවයිනට ඕවර 20 අවසානයේ කඩුලු නවයකට ලබාගත හැකි වූයේ ලකුණු 94කි. ‍මෙහිදී මොහොමඩ් රියස්වාන් ලකුණු 29ක් ලැබීය. කේ.එන්.පීරිස් ලකුණු 9කට කඩුලු දෙකක්ද අසිත ප්‍රනාන්දු ලකුණු 14කට කඩුලු දෙකක්ද දවාලූහ.

    ශ්‍රී ලංකා – භූතාන තරගයේ දී ශ්‍රී ලංකාව ඕවර 20 අවසානයේ කඩුලු 4කට ලබාගත් ලකුණු 248ට පිළිතුරු ලෙස භූතානය ඕවර 18.4කදී ලබාගත්තේ ලකුණු 75කි. පැතුම් නිශ්ශංක පන්දු 48කදී හතරේ අටක් හයේ දෙකක් සමග ලකුණු 76ක්ද කේ.එම්.ප්‍රනාන්දු පන්දු 38කදී හතරේ දහයක් හයේ පහරක් සමග ලකුණු 65ක්ද ලබා ගත්හ. භූතානයේ ආර්.ඩෝජි ලකුණු 22ක් රැස් කළේය. එස්.කොළඹගේ ලකුණු හයකට කඩුලු 2ක්ද අෂේන් බණ්ඩාර ලකුණු තුනකට කඩුල්ලක් දවාලූහත.

    ශ්‍රී ලංකාව හා නේපාලය අතර තරගය තියුණු මුහුණුවරක් ඉසිලීය. ඉන්දීය නේපාලය ඕවර 20 අවසානයේ කඩුලු පහකට ලකුණු 172ක් ලබාගැනීමට සමත්විය. ශ්‍රී ලංකාව කඩුලු 4කට ලකුණු 175ක් ලබා කඩුලු හයකින් ජයගත්තේ ඕවර 19.1කදීය. නේපාලයේ ඩි.එයාරි ලකුණු 72ක් ලැබූ  අතර කමිදු මෙන්ඩිස් ලකුණු 34කට කඩුලු 02ක් දවාලීය. ශ්‍රී ලංකාව වෙනුවෙන් ෂම්මු අෂාන් ලකුණු 72ක් ද (පන්දු 44යි හතරේ හතරයි හයේ පහයි) කේ.එම්. ප්‍රනාන්දු ලකුණු 46ක්ද (පන්දු 42යි හතරේ පහයි හයේ එකයි) ලබාගත්හ.

(බන්දුල මොල්ලිගොඩ)

Related posts

NPL අභිනව ශූරතාව ජැෆ්නා ග්ලැඩියේටර්ස් ට

Web Admin

Sri Lanka ODI squad for West Indies series

Web Admin

Notice – Sri Lanka Cricket 59th Annual General Meeting

Web Admin