Featured Media Centre News Sri Lanka tour of Zimbabwe 2020

පන්දු රැකීමෙන් වැළකුණු චන්දිමාල් අවධානමෙන් මිදෙයි

සිම්බාබ්වේ කණ්ඩායමට එරෙහිව හරාරේහි පැවැත්වෙන පළමු ටෙස්ට් තරගයේ දෙවැනි දිනය අතරතුරදී දිනේෂ් චන්දිමාල් ආබාධයකට මුහුණ දුන්නද එය පන්දුවට පහර නොදී සිටීමට තරම් දරුණු තත්ත්වයක නොවන බව කණ්ඩායම් කළමනාකරු අසන්ත ද මෙල් මහතා අවධාරණය කර සිටියි.

දෙවැනි දිනය ආරම්භයේදී ළහිරු කුමාර විසින් ක්‍රියාත්මක කරන ලද පන්දුවාරයේ දෙවැනි පන්දුව රැක ගැනීමට යෑමේදී චන්දිමාල් ඇඟිල්ලේ ආබාධයකට ගොදුරු වූ අතර දිනය පුරාම පන්දු රැකීමෙන් වැළැකී සිටියේය. තිස් හැවිරිදි වියේ පසුවන චන්දිමාල් එම අවස්ථාවේදී මිඩ් ඕෆ් කළාපයේ පන්දු රකිමින් සිටි අතර පන්දුව රැක ගැනීමට යෑමේදී දකුණතේ සුළඟිල්ල තුවාල ලැබීය.

මේ පිළිබඳව අදහස් දක්වා සිටි අසන්ත ද මෙල් මහතා, “පන්දුව රැක ගැනීමට යෑමේදී චන්දිමාල්ගේ ඇඟිල්ල පැලිලා තියෙනවා. මැහුම් දාලා නැති වුණත් අපි අවධානමක් ගන්න බැරි නිසා එයාව පන්දු රැකීම සඳහා ක්‍රීඩාංගණයට එව්වේ නෑ. නමුත් එය පන්දුවට පහර දීමෙන් වැළකී සිටීමට තරම් ලොකු ආබාධයක් නොවෙයි. ඔහු පන්දුවට පහර දීමට සූදානමින් සිටිනවා”යි සඳහන් කර සිටියේය.

තේරීම් කමිටුවේ ප්‍රධානියා වශයෙන්ද කටයුතු කරන ද මෙල් මහතා වැඩිදුරටත් අදහස් දක්වමින්, “කොහොම වුණත් අපි ඔහු ගැන පූර්ණ අවධානයකින් ඉන්නේ. පන්දුවට පහර දෙන ආකාරය අනුව අපි තීරණය කරනවා දෙවැනි ඉනිමේදී ඔහු පන්දු රැකීමට ක්‍රීඩාංගණයට යා හැකිද කියන බව”යැයි සඳහන් කර සිටියේය.

Related posts

Dhananjaya de Silva 91 in Sri Lanka’s best yet 241/9, but cannot stop England 244/2

Web Admin

Dimuth Karunaratne 103, but South Africa romp to 10-wicket win and 2-nil series triumph

Web Admin

ටෙස්ට් තරග 2 කට ශ්‍රී ලංකාව මැයි 08 දා බංග්ලාදේශයට

Chamila Karawita