Featured Media Centre News Sri Lanka tour of Zimbabwe 2020

මැතිව්ස්ගේ ද්විත්ව ශතකය නිසා ශ්‍රී ලංකාවට ලකුණු 157 ක වාසියක්

By Chamila Karawita 

කුමාර් සංගක්කාරගෙන් පසු ගෙවී ගිය වසර 5 ක කාල සීමාවේදී ශ්‍රී ලංකාව වෙනුවෙන් ටෙස්ට් ද්විත්ව ශතකයක් ලබාගත් පළමු පිතිකරුවා බවට ඇන්ජලෝ මැතිව්ස් පත්වීම නිසා හරාරේහි පැවැත්වෙන පළමු ටෙස්ට් තරගයේ සිව්වැනි දිනය වූ අද (22 දා) සිම්බාබ්වේ පිලට වඩා පළමු ඉනිමේදී ලකුණු 157 ක වාසියක් අත්කර ගැනීමට ශ්‍රී ලංකා කණ්ඩායමට හැකියාව ලැබිණ. 

මැතිව්ස්ගේ  නොබිඳුණු ද්විත්ව ශතකය වටා එතුණු ශ්‍රී ලංකා පළමු ඉනිම ලකුණු 515 ක් ව තිබියදී  9 වැනි පිතිකරුවා ලෙසින් කසුන් රජිත දැවී යෑමත් සමඟ අත්හිටුවීමට ශ්‍රී ලංකා නායක දිමුත් කරුණාරත්න තීරණය කළේය. ඒ අනුව නැවතත් පන්දුවට පහර දෙමින් සිටින සත්කාරක සිම්බාබ්වේ කණ්ඩායම සිව්වැනි දිනට තරගය නිමා කරන විට කිසිවකු නොදැවී ලකුණු 30 ක් ලබා සිටියි.

සිම්බාබ්වේ පිල වෙනුවෙන් පන්දුවට පහර දෙමින් සිටි ප්‍රින්ස් මසාවුරේ ලකුණු 15 ක් සහ තුවාල ලැබූ කෙවින් කසූසාගේ අනුප්‍රාප්තිකයා ලෙසින් පැමිණි බ්‍රයන් මුඩිසින්ගන්යමා ලකුණු 14 ක් ලබා තරගයේ පස්වැනි දිනය වන හෙට දිනයේදීත් පන්දුවට පහර දීමේ සූදානමින් පසුවෙති. ක්‍රීඩකයකු ආබාධයකට ලක් වුවහොත් අතිරේක ක්‍රීඩකයකුට පන්දුවට පහර දීමේ අවස්ථාව සලසාලමින් ජාත්‍යන්තර ක්‍රිකට් කවුන්සිල ගෙන එන ලද නව නීතිය හේතුවෙන් මුඩින්ගන්යාමාට එම අවස්ථාව උදාවිය.

මෙතෙක් තරගයේ කැපී පෙනෙනම පිතිහරඹය දියත් කරන ලද මැතිව්ස්ගේ ද්විත්ව ශතකය ලබා ගැනීමට පෙර සුරංග ලක්මාල් සහ ලසිත් ඇඹුල්දෙණියව පිට පිට පන්දු 2 කදී දවා ගැනීමට සිකන්දර් රාසා සමත්වීම නිසා මැතිව්ස්වේ ද්විත්ව ශතකය ලබා ගැනීම තරමක අවධානමක් එක් කළේය. ඒ වන විටත් සිය මංගල ද්විත්ව ශතකය සඳහා ලකුණු 4 ක් මෑතින් සිටි මැතිව්ස් ඒ සඳහා තවත් පන්දු 13 ක් ඉවසීමට සිදුවිය. 

රාසාගේ පන්දුවකට ස්වීප් පහරක් එල්ල කරමින් පන්දුව හතරේ සීමාවට යෑමට සැලැස්වූ මැතිව්ස් වසර 11 කට අධික ටෙස්ට් ක්‍රිකට් දිවියේ පළමු ද්විත්ව ශතකයට හිමිකම් කීවේය. මෙම ද්විත්ව ශතකය ලබා ගැනීමට පෙර ශ්‍රී ලංකාව වෙනුවෙන් ද්විත්ව ශතකයක් වාර්තා කිරීමට සමත්ව ඇත්තේ කුමාර් සංගක්කාර වේ. ඔහු අවසන් වරට 2015 වසරේ ජනවාරි මස නවසීලන්තයට එරෙහිව වෙලිංටන්හි පැවැති තරගයේදී ලකුණු 203 ක් ලබා ගැනීමට සමත්විය. 

පුරා හෝරා 10 ක කාලයක් පිටියේ රැදී සිටි මැතිව්ස්ගේ ලකුණු 200 කින් සමන්විත ඉනිම සඳහා පන්දු 468 කට මුහුණ දී තිබිණ. මුහුණ දුන් පන්දු අතරින් තුන් වතාවක් හයේ පහර ලෙසින්ද 16 වතාවක් හතරේ පහර ලෙසින්ද සිය ඉනිම වර්ණවත් කර ගැනීමටද මැතිව්ස් සමත්වූවේය.

මැතිව්ස් සමඟ දිනය ඇරැඹ ධනංජය ද සිල්වා වික්ටර් නියාව්චිගේ තෙවැනි කඩුල්ල ලෙසින් ලකුණු 63 ක් ලබා සිටියදී දැවී ගිය නමුත් දික්වැල්ලට එක්වූ මැතිව්ස් ශ්‍රී ලංකා ලකුණු පුවරුව ඉහළ දැමූහ. තවමත් ටෙස්ට් ශතකයක් ලබා නොමැති දික්වැල්ලට අද දිනයේදී සිය අඩුපාඩුව මඟහරවා ගැනීමට හොඳම අවස්ථාවක් පැවැති නමුත් සිකන්දර් රාසාගේ පන්දු යැවීම ඊට හරස් විය. ලකුණු 45 ක් ලබා සිටියදී ලබා දුන් උඩ පන්දුව නියාව්චිගේ අතින් ගිලිහී ගියද එය ශතකයක් දක්වා පරිවර්තනය කර ගැනීමේ වාසනාව දික්වැල්ලට නොතිබිණ. අවසානයේ දික්වැල්ලද ලකුණු 63 කට දැවී ගියේ ශ්‍රී ලංකා ඉනිමේ දැවී ගිය 6 වැනි පිතිකරුවා බවට පත්වෙමිනි.

ලකුණු පුවරුව
සිම්බාබ්වේ
ප්‍රින්ස් මසාවුරේඇ.දිමුත් කරුණාරත්නප.ලසිත් ඇඹුල්දෙණිය55
කෙවින් කසූසාකඩුල්ල මුවා කළාප.ළහිරු කුමාර63
ක්‍රෙග් අර්වින්
ප.සුරංග ලක්මාල්85
බ්‍රෙන්ඩන් ටේලර්කඩුල්ල මුවා කළාප.සුරංග ලක්මාල්21
ෂෝන් විලියම්ස්ස්ට.නිරෝෂන් දික්වැල්ලප.ලසිත් ඇඹුල්දෙණිය18
සිකන්දර් රාසාස්ට.නිරෝෂන් දික්වැල්ලප.ලසිත් ඇඹුල්දෙණිය41
රෙගිස් චකබ්වාඇ.ඇන්ජලෝ මැතිව්ස්ප.ලසිත් ඇඹුල්දෙණිය08
ඩොනල්ඩ් ටිරිපානෝනොදැවී
44
කයිල් ජාර්විස්
ප.ලසිත් ඇඹුල්දෙණිය01
අයින්ස් ඩොලුවාඇ.කුසල් මෙන්ඩිස්ප.ළහිරු කුමාර05
වික්ටර් නියාව්චිඇ.ලක්ෂාන් සඳකැන්ප.සුරංග ලක්මාල්11
අතිරේක06
එකතුව පන්දුවාර 148 කදී සියලු දෙනා දැවී ලකුණු358
කඩුලු වැටීම – 1-96 (මසාවුරේ), 2-164 (කසූසා), 3-203 (ටේලර්), 4-247 (විලියම්ස්), 5-247 (අර්වින්), 6-266 (චකබ්වා), 7-307 (රාසා), 8-309 (ජාර්විස්), 9-328
පන්දු යැවීම
සුරංග ලක්මාල් 27-10-53-3කසුන් රජිත 29-9-55-0
ලසිත් ඇඹුල්දෙණිය 42-9-55-5ළහිරු කුමාර 29-8-82-2
ධනංජය ද සිල්වා 21-8-50-0
ශ්‍රී ලංකාව – පළමු ඉනිම
දිමුත් කරුණාරත්නඇ.අයින්ස් ඩොලුවාප.වික්ටර් නියාව්චි37
ඕෂධ ප්‍රනාන්දු
ප.ටිරිපානෝ21
කුසල් මෙන්ඩිස්ඇ.බ්‍රෙන්ඩන් ටේලර්ප.වික්ටර් නියාව්චි80
ඇන්ජලෝ මැතිව්ස්නොදැවී
200
දිනේෂ් චන්දිමාල්ඇ.සහප.ෂෝන් විලියම්ස්12
ධනංජය ද සිල්වාඇ.ප්‍රින්ස් මසාවුරේප.වික්ටර් නියාව්චි63
නිරෝෂන් දික්වැල්ලකඩුල්ල මුවා කළාප.සිකන්දර් රාසා63
සුරංග ලක්මාල්ස්ට.රෙගිස් චකබ්වාප.සිකන්දර් රාසා27
ලසිත් ඇඹුල්දෙණිය
ප.සිකන්දර් රාසා00
කසුන් රජිතකඩුල්ල මුවා කළාප.ෂෝන් විලියම්ස්01
අතිරේක11
එකතුව පන්දුවාර 176.2 කදී කඩුලු 9 ක් දැවී ලකුණු515
කඩුලු වැටීම – 1-32 (ඕෂධ), 2-92 (දිමුත්), 3-184 (මෙන්ඩිස්), 4-227 (චන්දිමාල්), 5-325, 6-461 (දික්වැල්ල), 7-510 (ලක්මාල්), 8-510 (ඇඹුල්දෙණිය), 9-515 (කසුන්)
කයිල් ජාර්විස් 37-12-84-0වික්ටර් නියාව්චි 32-7-69-3 
ඩොනල්ඩ් ටිරිපනෝ 31-3-82-1අයින්ස් ඩොලුවා 28-3-107-0
ෂෝන් විලියම්ස් 32.2-3-104-2සිකන්දර් රාසා 16-0-62-3
සිම්බාබ්වේ – දෙවැනි ඉනිම 
ප්‍රින්ස් මසාවුරේනොදැවී
15
බ්‍රයන් මුඩිසින්ගන්යමා
නොදැවී
14
අතිරේක01
එකතුව පන්දුවාර 17 කදී කිසිවකු නොදැවී ලකුණු30
පන්දු යැවීම
සුරංග ලක්මාල් 5-2-04-0කසුන් රජිත 3-2-07-0
ධනංජය ද සිල්වා 3-2-04-0ළහිරු කුමාර 4-1-12-0
ලසිත් ඇඹුල්දෙණිය 2-1-03-0

Related posts

ධනංජය හයවෙනි අර්ධ ශතකය ලබයි

Web Admin

පීඩනය අතරින් ශ්‍රී ලංකාව ජයග්‍රහණයට සැරසෙයි

Chamila Karawita

එක් වෙනස්කමක් සමඟින් ‘ග්‍රේස්’ පන්දුවට පහර දෙයි

Chamila Karawita