Featured Media Centre News West Indies Tour of Sri Lanka 2020

කොදෙව්වෝ ශ්‍රී ලංකාවට පැමිණෙති

ශ්‍රී ලංකාවට එරෙහිව එක්දින තරග 3 කට සහ විස්සයි-20 තරග 2 කට සහභාගිවීම සඳහා බටහිර ඉන්දීය කොදෙව් කණ්ඩායම අද (10 දා) ශ්‍රී ලංකාවට පැමිණියේය. දෙරට අතර තරගාවලිය පෙබරවාරි 22 වැනිදා ආරම්භ වීමට නියමිත වුවත් ඊට දින 12 කට පෙර කොදෙව් කණ්ඩායම ශ්‍රී ලංකාවට පැමිණීම කැපී පෙනෙයි.

දින 24 ක කාලයක් මෙරට රැඳී සිටින කොදෙව් කණ්ඩායම සිය පළමු එක්දින තරගයට පෙබරවාරි 22 වැනිදා කොළඹ එස්. එස්. සී. ක්‍රීඩාංගණයේදී සහභාගිවනු ඇත. ඒ අනුව එස්. එස්. සී. පිටියේදී එක්දින තරගයක් පවත්වනු ලබන්නේ වසර 3 කට ආසන්න කාලයකට පසුව වීම විශේෂත්වයක් වේ. දිවා තරගයක් ලෙස පැවැත්වෙන මෙම තරගයට පෙර මෙහි අවසන් වරට එක්දින තරගයක් පවත්වා ඇත්තේ 2017 වසරේදී අප්‍රේල් මස බංග්ලාදේශ පිලට එරෙහිව පැවැති තරගය වේ.

කල් තියාම මෙරටට පැමිණෙන කොදෙව් කණ්ඩායම පළමු එක්දින තරගයට පෙර පී. සරා ඕවල් පිටියේ සහ කටුනායක හලාවත මේරියන්ස් ක්‍රීඩාංගණයේදී  පුහුණු තරග 2 කට තරග වැදීමට නියමිතය. මෙම තරග සංචාරය යටතේ පැවැත්වීමට නියමිත අනෙක් එක්දින තරග 2 පිළිවෙළින් පෙබරවාරි 26 වැනිදා හම්බන්තොට මහින්ද රාජපක්ෂ ක්‍රීඩාංගණයේදීද තෙවැන්න මාර්තු මස 01 වැනිදා මහනුවර පල්ලකැලේ ක්‍රීඩාංගණයේදීද පැවැත්වෙනු ඇත.

දෙරට අතර පැවැත්වීමට නියමිත විස්සයි-20 තරග 2 මාර්තු 04 සහ 06 වැනි දෙදින පල්ලකැලේ ජාත්‍යන්තර ක්‍රීඩාංගණයේදී පැවැත්වෙනු ඇත.

Related posts

Sri Lanka crush Bangladesh by 209 runs – Jayawickarama 11/178 first bowler in history to take 10-wkt. haul on debut

Web Admin

අවු. 23 න් පහළ දක්ෂතම ක්‍රීඩකයින් අතර සකුන සහ අම්ෂි පෙරමුණේ

Web Admin

“මා ක්‍රිකට් පන්නරය ලැබුවේ පිරිමි ළමුන් සමග ක්‍රීඩා කරලයි” ශෂිකලා සිරිවර්ධන කියයි

Web Admin