Domestic Cricket Featured Media Centre News

පළමු දිනයේදීම රමේෂ් මෙන්ඩිස්ගෙන් ද්විත්ව ශතකයක්

ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ පළමු පෙළ ලීග් ක්‍රිකට් තරගාවලියේ ආරම්භක දිනය වූ අද (ජනවාරි 31 දා) දිනයේදීම ද්විත්ව ශතකයක් වාර්තා කිරීමට මුවර්ස් ක්‍රීඩා සමාජය නියෝජනය කරනු ලබන රමේෂ් මෙන්ඩිස් සමත්විය. 

මීගමුවට එරෙහිව පැවැති තරගයේදී වේගවත් පිතිහරඹයක නියැළුණු රමේෂ් මෙන්ඩිස් ලකුණු 205 කින් සමන්විත ඉනිම සඳහා පන්දු 207 කට පමණක් මුහුණ දුන්නේය. හයේ පහර 6 ක් සහ හතරේ පහර 19 ක් ඇතුළත් වුණු මෙම සුවිශේෂී ඉනිම හේතුවෙන් පළමු දිනයට තරගය නිමා කරන විට මුවර්ස් කණ්ඩායමට කඩුලු 6 ක් දැවී ලකුණු 509 ක් රැස් කර ගැනීමට හැකියාව ලැබිණ. 

මෙම සුවිශේෂී ඉනිමට අමතරව සචිත්‍ර සේරසිංහද ශතකයක් ලබා ගැනීමට සමත්වීම කැපී පෙනිණ.පන්දු 174 කින් සමන්විත වූ සචිත්‍රගේ ලකුණු 149 ක ඉනිමට හයේ පහර 4 ක් සහ හතරේ පහර 18 ක් ඇතුළත්ව තිබිණ. මොවුන් දෙදෙනා අතර සිව්වැනි කඩුල්ල වෙනුවෙන් ගොඩනැංවුණු ලකුණු සම්බන්ධතාවය 294 කි.

මීට අමතරව පළමු දිනයේදී තවත් ශතක 3 ක් වාර්තා කිරීමට සී. සී. සී. පිලේ මිනෝද් භානුක ලකුණු 114 ක් සහ ලසිත් අබේරත්න ලකුණු 113 ක්ද සැරසන්ස් පිලේ ගමිඳු අමරසිංහ ලකුණු 129 ක්ද රැස් කිරීමට සමත්වූහ. මිනෝද් සහ ලසිත් එස්. එස්. සී. පිලට එරෙහිව සිය ශතක වාර්තා කරද්දී ගමිඳු ටැමිල් යුනියන් කණ්ඩායමට එරෙහිව ලකුණු 129 ක් රැස් කළේය. 

Related posts

එල්.පී.එල්. දෙවැනි අදියරට දින නියම කෙරෙයි

Chamila Karawita

යුද හමුදාව පරාජය කළ එස්. එස්. සී. විස්සයි-20 ශූරයෝ වෙයි

Chamila Karawita

India beat Sri Lanka by 7 wickets in second T20I

Web Admin