England tour of Sri Lanka 2020 Featured Media Centre News

කොරෝනා වසංගතය නිසා එංගලන්තය ආපසු ගෙදර යයි

By Chamila Karawita

කොවිඩ් – 19 හෙවත් කොරෝනා වසංගතය ගෝලීය වශයෙන් නරක අතට හැරීමත් සමඟ ලෝක ටෙස්ට් ශූරතාවලිය යටතේ ලබන 19 වැනිදා ආරම්භවීමට නියමිතව තිබූ සංචාරක එංගලන්ත ක්‍රිකට් කණ්ඩායම සහ ශ්‍රී ලංකාව අතර ටෙස්ට් තරගාවලිය දින නියමයක් නොමැති කල් දැමීමට දෙරටේ ක්‍රිකට් ආයතන බලධාරීහු අද (13 දා) තීරණය කර තිබේ. ඒ අනුව එංගලන්ත ක්‍රිකට් කණ්ඩායම හෙට (14 දා) නැවතත් එංගලන්තය බලා පිටත්ව යෑමට නියමිතය.

අදාළ තීරණය ගනු ලබන අවස්ථාව වන විට එංගලන්ත ක්‍රිකට් කණ්ඩායම ටෙස්ට් තරගාවලියට පෙර වූ සිව්දින පුහුණු තරගයට කොළඹ පී. සරා ඕවල් පිටියේදී සහභාගිවෙමින් සිටියේය. කෙසේ වෙතත් තරගයේ දෙවැනි දිනයවූ අද දිනයේදී තේ පානයෙන් මින්ත්තු 40 ක පමණ කාලයකින් පසු තරග තීරක මංගල ජයසේන මහතා ඇතුළු තරග බලධාරීන් දැනුවත් කිරීමෙන් පසු තරගය තරගය නවතා සිය ක්‍රීඩකයින්ව ක්‍රීඩා ගාරය වෙත ගෙන්වා ගැනීමට එංගලන්ත කළමනාකාරීත්වය පියවර ගනු ලැබීය.

ශ්‍රී ලංකාව තුළ කොරෝනා වෛරස් අවධානම එතරම් නොමැති වුවද එංගලන්තය තුළ මේ වන විට එය ශීග්‍රයෙන් පැතිර යන්නක් බවට පත්ව තිබේ. ඒ අනුව සිය ක්‍රීඩකයින් මෙන්ම පුහුණු කාර්යය මණ්ඩලය මේ ව්‍යවසනකාරී තත්ත්වය තුළ තම පවුල්වල උදවිය සමඟ කාලය ගත කිරීමට අවශ්‍ය බව එංගලන්ත ක්‍රිකට් ආයතනයට දන්වන ලදු තරගාවලිය කල් දමා ගැනීම පිළිබඳව ශ්‍රී ලංකා ක්‍රිකට් ආයතන බලධාරීන්ගෙන් විමසා තිබේ.

කෙසේ වෙතත් මේ පිළිබඳව නිවේදනයක් නිකුත් කර සිටින එංගලන්ත ක්‍රිකට් ආයතනය, මෙම ගැටළුකාරී තත්ත්වය සම්බන්ධව ශ්‍රී ලංකා ක්‍රිකට් ආයතන ලබා දෙන ලද සහයෝගයට ස්තූතිය පළ කර සිටීමද විශේෂත්වයකි. ලෝක ටෙස්ට් ශූරතාවලිය යටතේ ක්‍රියාත්මක වීමට නියමිතව තිබූ තරග 2 කින් සමන්විත ටෙස්ට් තරගාවලිය දෙපිළටම විවේකී කාල වකවානුවකදී පැවැත්වීමට පොරොන්දු ප්‍රකාරව නැවැත්වීමට එංගලන්ත මෙන්ම ශ්‍රී ලංකා ක්‍රිකට් ආයතන එකඟත්වයකට පැමිණ සිටිති.

Related posts

“It will strengthen arm of SLC”, Secy. Mohan de Silva; “Red Bull given wings to athletes globally”, Red Bull Director Brendon Kuruppu

Web Admin

කරුණු 3 කට අති විශේෂ මහ සභාවේ අනුමැතිය

Web Admin

ශ්‍රී ලංකා ක්‍රීඩිකාවන් පළමු ජය ලබයි

Chamila Karawita