Featured Media Centre News

ක්‍රිකට් නැතිව බලපෑමට ලක්වූවන්ට ශ්‍රී ලංකා ක්‍රිකට් ආයතනයෙන් සහන

කොවිඩ් 19 වසංගතය තව දුරටත් නරක අතට හැරීම හේතුවෙන් ක්‍රිකට් තරග පැවැත්වීම තවදුරටත් කල් යන බැවින් එම හේතුවෙන් බලපෑමකට ලක්වූ පාර්ශ්වයන් හඳුනාගනිමින් එම පාර්ශ්වයන්ට සහන සැලසීම උදෙසා මූල්‍යමය ආධාර ලබා දීමට ශ්‍රී ලංකා ක්‍රිකට් පාලනාධිකාරිය පියවර ගෙන තිබේ.

ප්‍රධාන වශයෙන් කොටස් 3 ක් යටතේ මෙම මූල්‍ය ප්‍රතිපාදන ලබා දීමට නියමිත අතර එහිදී ක්‍රීඩාංගණවල සහ ඒවායේ යටිතල පහසුකම් නැංවීම, මූල්‍ය දුෂ්කරතාවන් වලට මුහුණ දී සිටින දිසත්‍රික් සංචිතවල ක්‍රීඩකයින්ට සහ කළමනාකරුවන්ට සහන සැලසීම මෙන්ම මූල්‍ය දුෂ්කරතාවන්වලට මුහුණ දී සිටින ක්‍රිකට් විනිසුරුවන් වෙනුවෙන් එම ප්‍රතිපාදන ලබා දීමට නියමිතය.

ශ්‍රී ලංකා ක්‍රිකට් විධායක කමිටුව ගෙන ඇති මෙම තීරණයට අනුව මාර්තු සහ අප්‍රේල් මාසවලට වලංගු වන පරිදි ක්‍රීඩාංගණවල සහ ඒවායේ යටිතල පහසුකම් ඉහළ නැංවීම සඳහා ක්‍රීඩාංගණයකට රුපියල් ලක්ෂයක් (100,000/=) බැගින්ද ක්‍රීඩාංගණ නඩත්තු කරන ක්‍රීඩා සමාජ 11 කටද, පවත්නා කොවිඩ් වසංගත තත්ත්වය හේතුවෙන් මූල්‍ය දුෂ්කරතාවන්ට මුහුණ දී සිටින දිස්ත්‍රික්ක සංචිතවල ක්‍රීඩකයින්ට සහ කළමනාකරුවන්ට සහන සැලසීම වෙනුවෙන් රුපියල් එක් ලක්ෂ පනස් දාහක් (150,000/=) බැගින් දිස්ත්‍රික්ක 26 කට බෙදා දීමට නියමිතය.

මීට අමතරව ශ්‍රී ලංකා ක්‍රිකට් විනිසුරුවන්ගේ සංගමය කෙරෙහිද ක්‍රිකට් ආයතනයේ අවධානය යොමු වී තිබෙන අතර අතර ඔවුන් වෙනුවෙන් රුපියල් හත්ලක්ෂ අසූදාහක (780,000/=) ක මුදලක් ලබාදීමට ශ්‍රී ලංකා ක්‍රිකට් ආයතනය ඉදිරිපත් වී සිටියි.

Related posts

Sri Lanka Cricket launches the inaugural U19 Women’s Tournament.

Web Admin

ආණ්ඩුකාර කුසලාන ශූරයින් තේරීමේ සටන යුනයිටඩ් සදර්න් සහ ලියෝ අතර

Chamila Karawita

ලෝක ටෙස්ට් ශූරතාවලියේදී ශ්‍රී ලංකාව පෙරමුණට

Chamila Karawita