Developments Featured Media Centre News Schools Cricket

පාසල් පුහුණුකරුවන් 225 කට ශ්‍රී ලංකා ක්‍රිකට් වෙතින් ලක්ෂ 45 ක්

By Chamila Karawita

ශ්‍රී ලංකාව තුළ උද්ගතවී ඇති කොරෝනා වෛරස් වසංගතය හමුවේ මූල්‍යමය දුෂ්කරතාවයන්ට මුහුණ දී සිටින පාසල් පුහුණුකරුවන් වෙනුවෙන් සහන මුදලක් ලබා දීම කෙරෙහි ශ්‍රී ලංකා ක්‍රිකට් ආයතන විධායක කමිටුවේ අවධානය යොමු වී තිබේ. ඒ අනුව අපහසුතාවයට පත්ව සිටින ක්‍රිකට් පුහුණුකරුවන් 225 දෙනෙකු සඳහා රුපියල් විසිදහස බැගින් (20,000) ලබා දීමට තීරණය කර තිබේ.

ශ්‍රී ලංකා පාසල් ක්‍රිකට් සංගමය හරහා මෙම මුදල් ප්‍රදානය සිදු කිරීමට ශ්‍රී ලංකා ක්‍රිකට් ආයතනය කටයුතු යොදා තිබෙන අතර ඒ සඳහා රුපියල් ලක්ෂ 45 ක මුදලක් වෙන්කොට තිබේ. මෙරට ක්‍රිකට් ක්‍රීඩාවේ තිඹිරි ගෙය වශයෙන් සැලකෙන පාසල් ක්‍රිකට් ක්‍රීඩාව තවදුරටත් ශක්තිමත් කරලීමේ අරමුණ ඇතිව මෙම කටයුත්තට ශ්‍රී ලංකා ක්‍රිකට් ආයතනය විසින් සිදුකරනු ඇත.

පාසල් ක්‍රිකට් සංගමය යටතේ මෙරට පාසල් 600 කට අධික සංඛ්‍යාවක් ක්‍රිකට් ක්‍රීඩා කරනු ලබන අතර ඒ අතරින් බහුතරයක් පාසල්වල ක්‍රිකට් ක්‍රීඩාව සිදුකරගෙන යනු ලබන්නේ ඉතාමත් දුෂ්කරතා මධ්‍යයේය. එම තත්ත්වය මත පුහුණුකරුවන් වෙනුවෙන් වූ වේතන ලබා දීම පාසල් වලට අසීරු කටයුත්තක් බවට පත්ව තිබෙන අතර ඇතැමුන්ට වැටුපෙන් අඩක්ද තවත් පිරිසකට සම්පූර්ණම වැටුපම අහිමි වී තිබෙන බව සඳහන් වේ.

ක්‍රීඩා අමාත්‍ය ඩලස් අලහප්පෙරුම මහතාගේ උපදෙස් අනුව කටයුතු කර ඇති ශ්‍රී ලංකා ක්‍රිකට් ආයතනය එම පුහුණුකරුවන්ට සහයෝගයක් දැක්වීමටත් වඩා එය වගකීමක් බවට පත් කර ගනිමින් මෙම මුදල් පාසල් ක්‍රිකට් සංගමයේ සම්බන්ධීකරණයෙන් බෙදා දීමට කටයුතු යොදා තිබේ.

Related posts

පහසුකම් අඩු ක්‍රීඩාංගණ 6ක් සංවර්ධනයට ශ්‍රී ලංකා ක්‍රිකට් අත හිත

Web Admin

මාලිංගගේ සමුගැනීමට විජයග්‍රාහී සිහිවටනයක්

Web Admin

ශ්‍රී ලංකා ග්‍රේට්ස් XI සහ ටීම් ශ්‍රී ලංකා කණ්ඩායම් නම් කරයි

Web Admin