Domestic Cricket Featured Media Centre News Premier League

ඩිල්රුවන් පෙරේරා කඩුලු 800 සමාජයට

අන්තර් සමාජ පළමු පෙළ ලීග් ක්‍රිකට් තරගාවලිය යටතේ කඩුලු 800 සීමාව ඉක්මවා යෑමට කොළඹ කෝල්ට්ස් කණ්ඩායමේ දඟ පන්දු යවන ඩිල්රුවන් පෙරේරා  (25 දා) අද සමත්විය. සුපර් 8 තරග වටයේ අවසන් තරගය හෙවත් එන්. සී. සී. කණ්ඩායමට එරෙහිව පැවැති තරගයේදී චතුරංග ද සිල්වාගේ කඩුල්ල දවා ගත් ඩිල්රුවන් කඩුලු 800 සීමාව අභිබවා යෑමට සමත්වූවේය.

වසර 80 කට ඈත අතීතයකට හිමිකම් කියන දේශීය පළමු පෙළ ක්‍රිකට් තරගාවලිය යටතේ කඩුලු 800 සීමාව ඉක්මවා ගිය පස්වැනි ශ්‍රී ලංකා පන්දු යවන්නා බවට ඩිල්රුවන් අද පත්විය. ඩිල්රුවන්ට පෙර එම සීමාව ඉක්මවා ගොස් ඇත්තේ ලොව වැඩිම ටෙස්ට් සහ එක්දින කඩුලු ලාභී මුත්තයියා මුරලිදරන් (1374), රංගන හේරත් (1001), දිනුක් හෙට්ටිආරච්චි (929) සහ සජීව වීරකෝන් (802) පමණි.

කොළඹ ක්‍රීඩා සමාජ පිටියේ පැවැති තරගයේදී පළමු දිනයේදී ලකුණු 119 කට ප්‍රතිවාදී පිලේ කඩුලු 4 ක් දවා ගත් ඩිල්රුවන් මෙතෙක් වැඩිම කඩුලු ලාභීන් අතර සිව්වැනි ස්ථානයේ සිටි සජීව වීරකෝන්ව (802) පස්වැනි තැනට ඇද දමමින් සිව්වැනි ස්ථානය දක්වා තේරී පත්වූවේය. දිල්රුවන් මේ වන විට පළමු පෙළ තරග 222 කට සහභාගිවෙමින් කඩුලු 803 ක් දවාගැනීමට සමත්ව සිටින අතර ඔහුගේ ඉනිමක හොඳම පන්දු යැවීම ලකුණු 71 කට කඩුලු 7 ක් සටහන් වේ.

Related posts

බංග්ලාදේශය ජයග්‍රාහී පෙරහුරුවකින් වැඩ අරඹයි

Web Admin

ඉන්දු-ලංකා විස්සයි-20 ට අනුග්‍රහය දෙන්න CoinDCX එයි

Chamila Karawita

Intra-Squad T20 Practice Match | Sri Lanka tour of England 2021

Web Admin