Domestic Cricket Featured Media Centre News Premier League

සී. සී. සී. පිල ශූරතාව පෙනෙන මායිමට

ප්‍රසාද ලකුණු සටහනේ ඉදිරියෙන්ම සිටිමින් සුපිරි කණ්ඩායම් 8 අතර තරග වටය ඇරැඹූ සී. සී. සී. පිල රාගම පිලට එරෙහිව පැවැති තරගයෙන් ඉනිමක සහ ලකුණු 125 ක ජයක් වාර්තා කිරීමට සමත්වීමත් සමඟ තරගාවලියේ ශූරතාව දිනා ගැනීමේ තවත් ආසන්නයට පැමිණීමට සමත්වූවේය.

මෙම තරගයට පෙර ප්‍රසාද ලකුණු 54.57 ක් හිමිකරගෙන සිටි කුසල් මෙන්ඩිස්ගේ නායකත්වයෙන් යුතු සී. සී. සී. කණ්ඩායමට ලද ජයග්‍රයණයත් සමඟ තවත් ප්‍රසාද ලකුණු 19 ක් හිමිවිය. ඒ අනුව මේ වන විට සී. සී. සී. කණ්ඩායම මුලු ප්‍රසාද ලකුණු 73.57 ක් ලබමින් සෙසු කණ්ඩායම් වලට පහසුවෙන් ළඟාවිය නොහැකි ස්ථානයක් වෙත පැමිණ සිටියි. එන්. සී. සී. කණ්ඩායම ප්‍රසාද ලකුණු 55.68 ක්ද කෝල්ට්ස් කණ්ඩායම 46.32 ක්ද ලබා පිළිවෙළින් එම සටහනේ දෙවැනි සහ තෙවැනි ස්ථාන වල පසුවෙති.

ප්ලේට් තරග වටයේ ප්‍රසාද ලකුණු 16.44 ක් ලබා සිව්වැනි ස්ථානයේ රැඳී සිටි මීගමුව ක්‍රීඩා සමාජය ලන්කන් ක්‍රීඩා සමාජයට එරෙහිව වාර්තා කරන ලද කඩුලු 5 ක ජය හේතුවෙන් ප්‍රසාද ලකුණු සටහනේ පළමු ස්ථානය දක්වා පැමිණ සිටියි. මෙම තරග වටය ආරම්භයට පෙර ප්‍රසාද ලකුණු 20.42 ක් ලබා පළමු ස්ථානයේ සිටි ටැමිල් යුනියන් කණ්ඩායම එස්.එස්.සී. පිලට එරෙහිව පළමු ඉනිමේ ජයක් වාර්තා කළද පූර්ණ තරග ජයග්‍රහණයට වඩා වැඩි ප්‍රසාද ලකුණු සංඛ්‍යාවක් මීගමුව පිලට හිමිවීම මෙකී තත්ත්වයට හේතු වී තිබේ.

Related posts

Sri Lanka needs to break free in pride salvaging 3rd T20

Web Admin

ශ්‍රී ලංකා යොවුන් පිල පළමු ඉනිමෙන් පෙරමුණට

Chamila Karawita

ජ්‍යෙෂ්ඨයෝ පසුබසිද්දී ඕෂධ මංගල ශතකය ලබයි

Web Admin