Domestic Cricket Featured Media Centre News Premier League

ළහිරු උදාර ලකුණු 1000 සීමාව ඉක්මවයි

අන්තර් සමාජ පළමු පෙළ ලීග් ක්‍රිකට් තරගාවලියේ 2019-20 තරග වාරය යටතේ ලකුණු 1000 සීමාව ඉක්මවා යෑමට එන්. සී. සී. කණ්ඩායමේ ආරම්භක පිතිකරු ළහිරු උදාර අද (25 දා) සමත්වූවේය.

සුපිරි කණ්ඩායම් 8 අතර තරග වටයේ අවසන් තරගය වූ කෝල්ට්ස් පිලට එරෙහිව අද ඇරැඹි තරගයේදී ලකුණු 973 ක් ලබා ගනිමින් පිටියට පිවිසි ළහිරු ඉනිමේ 27 වැනි ලකුණු සම්පූර්ණ කිරීමත් සමඟ මෙවර තරග වාරයේ ලකුණු 1000 සීමාව ඉක්මවා ගියේය. එතැනින් නොනැවතුණු ළහිරු ප්‍රවේගකාරී පිතිහරඹයක නිරත වෙමින් හයේ පහරක් සහ හතරේ පහර 8 ක් සමඟින් පන්දු 69 කදී ලකුණු 66 ක් රැස් කර ගත්තේය.

ඒ අනුව ළහිරු මේ වන විට තරග 9 කට සහභාගිවී මුලු ලකුණු 1039 ක් රැස් කරගෙන සිටින්නේ ඉනිමක ලකුණු ලබා ගැනීමේ සාමාන්‍ය 86.58 ක් රඳවා තබා ගනිමිනි. මෙවර තරගාවලියේ වැඩිම ශතක ලාභී පිතිකරුවන් අතර පසුවන ළහිරුගේ ඉනිමක වැඩිම ලකුණු ලබා ගැනීම ලෙස රාගම ක්‍රීඩා සමාජයට එරෙහිව මූලික තරග වටයේ නොදැවී රැස් කරන ලද ලකුණු 290 ක ඉනිම සටහන් වේ.

එම ඉනිමට අමතරව ළහිරු කොළඹ ක්‍රීඩා සමාජයට සහ යුද හමුදා කණ්ඩායම් වලට එරෙහිව ශතක වාර්තා කර ගෙන සිටියි. නුගේගොඩ ශාන්ත ජෝන් විදුහලින් ක්‍රිකට් පිටියට පිවිස සිටින දකුණත් පිතිකරු ළහිරු මෙවර තරග වාරයේ අර්ධ ශතක සංඛ්‍යාව 5 ක් රැස් කර ගැනීමට සමත්ව සිටින අතර එහිදී දෙවතාවකදීම ලකුණු 90 සීමාවට පැමිණ අවාසනාවන්ත ලෙස දැවී ගොස් තිබීම කැපී පෙනෙයි.

Related posts

තරගයක් ඉතිරිව තිබියදීම ශ්‍රී ලංකාව එක්දින තරගාවලිය ජය ගනියි

Web Admin

“ටෙස්ට් තරගාවලියේදී අපට වාසි තුනක් තිබෙනවා”- දිමුත් කරුණාරත්න

Web Admin

SL Emerging Team One Day and Four Day squads for Bangladesh tour

Web Admin