Domestic Cricket Featured Media Centre News Under 23

එකම ජයක් හෝ වාර්තා නොකළ කණ්ඩායම් 7 ක්

අවුරුදු 23 න් පහළ තරගාවලිය – 5 වැනි සතිය

අන්තර් සමාජ වයස අවුරුදු 23 න් පහළ ප්‍රධානතම ක්‍රිකට් තරගාවලියේ අවසාන සති කිහිපය එළඹෙත්ම යුද හමුදාව, කෝල්ට්ස්, එන්. සී. සී. සහ එස්. එස්. සී. සිය අපරාජිත භාවය රැකගෙන සිටීමට සමත්වූහ.

අද (28 දා) දිනයේ සී.සී. සී. සහ කැන්ඩි කස්ටම්ස් අතර තරගය පමණක් පැවැති අතර එහිදී කඩුලු 7 කින් ජය වාර්තා කිරීමට සී. සී. සී. කණ්ඩායම සමත්විය. ඩී කාණ්ඩය නියෝජනය කරනු ලබන සී. සී. සී. පිල අද ලද ජයග්‍රහණයත් සමඟ එම කාණ්ඩයේ තෙවැනි ස්ථානය දක්වා ඉදිරියට පැමිණ සිටින්නේ මුහුණ දුන් තරග 4 න් 3 ක් ජය ගනිමිනි.

සමස්ත තරග කාල සටහනේ මේ වන තෙක් පැවැති සති 5 දී තරග 5 කටම ක්‍රීඩා කර ඇත්තේ පොලිස්, නාවික හමුදාව, ටැමිල් යුනියන් සහ ගාල්ල යන කණ්ඩායම් පමණි. එහිදී නාවික හමුදාව එකම තරගයක් හෝ ජයග්‍රහණය කිරීමට අපොහොසත් වීම කැපී පෙනෙයි.

නාවික හමුදා පිලට අමතරව මෙතෙක් පැවැති තරගවලදී එකම ජයග්‍රහණයක් හෝ වාර්තා කිරීමට අපොහොසත්ව සිටින කණ්ඩායම් 6 ක් සිටින අතර, පානදුර, රාගම, වරාය අධිකාරිය, සැරසන්ස්, කුරුණෑගල තරුණ සහ කැන්ඩි කස්ටම්ස් එම ක්‍රීඩා සමාජ වෙති.

ලබන 07 වැනිදා පැවැත්වීමට නියමිත අර්ධ අවසන් තරග වටයට පෙර තවත් සති 3 ක් පමණක් තරගාවලිය පැවැත්වෙන අතර එහිදී අවසන් කණ්ඩායම් 4 අතරට පැමිණීමට යුද හමුදාව, එස්. එස්. සී. සහ කෝල්ට්ස් වැඩි ඉඩ කඩක් විවර කරගෙන සිටිති.

Related posts

Call to replace Hathurusinghe sports minister’s decision – SLC Secretary

Web Admin

රමේෂ් සහ සධීරට විස්සයි-20 වරම්

Chamila Karawita

ආසියානු යොවුන් කිරුළේ ආධිපත්‍ය යළිත් ඉන්දීය අනසට

Web Admin