Domestic Cricket Featured Media Centre News Under 23

අවු. 23 න් පහළ පළමු වටය නිපුන්ලා පෙරමුණ ගනිති

By Chamila Karawita

ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 23 න් පහළ ප්‍රධානතම ලීග් ක්‍රිකට් තරගාවලියේ පළමු තරග වටය අවසානයේ පිතිකරුවන් අතර නිපුන් ධනංජය සහ පන්දු යවන්නන් අතර නිපුන් ලක්ෂාන් පෙරමුණ ගැනීමට සමත්ව සිටිති.

එස්. එස්. සී. ක්‍රීඩා සමාජය නියෝජනය කරනු ලබන නිපුන් ධනංජය තරග 6කට ක්‍රීඩා කරමින් ඉනිමක ලකුණු ලබා ගැනීමේ සාමාන්‍ය 75.20 ක් රඳවා ගනිමින් මුලු ලකුණු 376 ක් ලබා පිතිකරුවන් අතර පෙරමුණට පිවිස සිටියි.

පන්දු යවන්නන් අතර 6 වැනි දිනය අවසන් වන තෙක් පෙරමුණේ සිටි සී. සී. සී. පිලේ අම්ෂි ද සිල්වාට එම ස්ථානය අහිමිවී තිබෙන අතර නුගේගොඩ ක්‍රීඩා සමාජයේ නිපුන් ලක්ෂාන් පළමු ස්ථානයට පැමිණ සිටියි. නිපුන් ලක්ෂාන් තරග 6 කට ක්‍රීඩා කරමින් කඩුල්ලක් දවා ගැනීමේ සාමාන්‍ය 17 ක් රඳවා තබා ගනිමින් මුලු කඩුලු 15 ක් බිඳ හෙළීමට සමත්ව සිටියි.

ඔහුට පිටුපසින් සිටින සෙබස්තියනයිට්ස් පිලේ තරූෂ ප්‍රනාන්දු සහ අම්ෂී ද සිල්වා සහ කලුතර ටවුන්හි ලසිඳු අරෝෂණ කඩුලු 14 බැගින් බිඳ හෙළමින් පිළිවෙළින් දෙවැනි, තෙවැනි සහ සිව්වැනි ස්ථාන වලට පත්ව සිටිති.

පිතිකරුවන් අතර නිපුන් ධනංජයට පසුපසින් සිටින්නේ සී. සී. සී. කණ්ඩායමේ මළිඳු මදුරංග වන අතර ඔහු නිපුන්ට වඩා ලකුණු 103 ක් පිටුපසින් සිටින්නේ ඉනිමක ලකුණු  ලබා ගැනීමේ සාමාන්‍ය 54.60 ක් වශයෙන් රඳාවා තබා ගිනිමිනි.

Related posts

පළමු දිනයේ කඩුලු 16 ක් බිඳ වැටෙයි

Chamila Karawita

Lanka Premier League Player Draft to be held on 9th November

Web Admin

පළමු ටෙස්ට් තරගයේදී ‘දික්වැල්ලට’ වැඩි වගකීමක්

Chamila Karawita