Domestic Cricket Featured Media Centre News

Commander’s විස්සයි-20 දී ජාතික ක්‍රීඩකයින්ගේ දක්ෂතා කැපී පෙනෙයි

ශ්‍රී ලංකා යුද හමුදාව විසින් පළමු වතාවට සංවිධානය කරන ලද Commander’s විස්සයි-20 ක්‍රිකට් අවසන් මහ තරගයේදී නදර්න් වොරියර්ස් පිල ලකුණු 09 කින් පරාජයට පත් කළ දිනේෂ් චන්දිමාල්ගේ නායකත්වයෙන් යුතු සදර්න් වොරියර්ස් පිල අභිනව ශූරතාව දිනා ගැනීමට සමත්විය.

දොඹගොඩ යුද හමුදා ක්‍රිකට් පිටියේ පැවැති මෙම තරගයේ කාසියේ වාසිය දිනා ගත් චන්දිමාල්ගේ සදර්න් වොරියර්ස් නියමිත පන්දුවාර 20 අවසනදී කඩුලු 6 කට ලකුණු 159 ක් ලබා ගත් අතර ඊට පිළිතුරු ලෙස සීකුගේ ප්‍රසන්නගේ නායකත්වයෙන් යුතු නොදර්න් වොරියර්ස් පිලට රැස් කරගත හැකි වූයේ පන්දුවාර 19 කදී ලකුණු 150 ක් පමණි.

මූලික වටය යටතේ ජයග්‍රහණ 3 බැගින් වාර්තා කිරීමට කණ්ඩායම් 2 ම සමත්වී සිටීම නිසා ඉතාමත් තියුණු මුහුණුවරක් ගත් අවසන් මහ තරගයක් පැවැති අතර එහිදී සදර්න් වොරියර්ස් පිල වෙනුවෙන් අසන්ත බස්නායක ලකුණු 47 ක් ලබා ගනිමින් වැඩිම ලකුණු ලාභියා බවට පත්විය.

තීරණාත්මක අවසන් මහ තරගයේදී ලකුණු 19 කට දැවී ගියද සමස්ථ තරගාවලියේ වැඩිම ලකුණු ලාභියා බවට පත්වෙමින් දක්ෂතම පිතිකරු සම්මානයෙන් පිදුම් ලැබීමටය ශූරතා දිනූ සදර්න් වොරියර්ස් නායක දිනේෂ් චන්දිමාල් සමත්වූවේය. ඔහුට අමතරව තුන් ඉරියව් ක්‍රීඩක වනිඳු හසරංග ලකුණු 29 ක් ලබා ගනිමින් ජයග්‍රහණය සඳහා වැඩි දායකත්වයක් දැක්වීය.

ප්‍රතිවාදී නොදර්න් වොරියර් පිල වෙනුවෙන් නායක සීකුගේ ලකුණු 49 ක් ලබා ගත්තද එය ජයග්‍රහණය සඳහා ප්‍රමාණවත් නොවීය. දසුන් ශානකද එම කණ්ඩායම වෙනුවෙන් ක්‍රීඩා කරමින් ලකුණු 34 ක් ලබා ගන්නා ලද්දේ දෙවැනි වැඩිම ලකුණු ලාභියා බවට පත්වෙමිනි.

පන්දු 23 කට මුහුණ දෙමින් හයේ පහර 6 ක් සහ හතරේ පහර 3 ක් සමඟින් වේගවත් ලකුණු 49 ක් රැස් කරන ලද නායක සීකුගේ කඩුල්ල ඇතුළු ලකුණු 22 කට කඩුලු 3 ක් දවා ගැනීමට සමත්වූ දකුණත් පිට දඟ පන්දු යවන සුමින්ද ලක්ෂාන් අවසන් තරගයේ වීරයා බවට පත්විය.

මේ අතර සමස්ථ තරගාවලියේ වැඩිම ලකුණු ලාභින් අතර ඉදිරියේ පසුවන පිතිකරුවන් 5 දෙනා සහ වැඩිම කඩුලු ලාභී පන්දු යවන්නන් අතර තිදෙනෙකුම ජාතික කණ්ඩායම නියෝජනය කරනු ලබන ක්‍රීඩකයින්වීම කැපී පෙනෙයි. මෙහිදී වැඩිම කඩුලු ලාභීන් අතර තිසර පෙරේරා පෙරමුණට පැමිණෙමින් තරගාවලියේ දක්ෂතම පන්දු යවන්නා සම්මානයෙන්ද පිදුම් ලැබීය.

Related posts

LPL දෙවැනි අදියරට ක්‍රිස් ගේල් ඇතුළු ජාත්‍යන්තර ක්‍රීඩකයින් රැසක්

Chamila Karawita

ICC Men’s T20 World Cup 2021 fixtures revealed

Web Admin

Sri Lanka outfox England in final to emerge champs: Ton up Paranavithana the hero

Web Admin