Featured Media Centre News Sri Lanka Tour of South Africa 2020-21

ක්‍රීඩකයින් 22කට දින 10ක පුහුණු කඳවුරක්

ලබන දෙසැම්බර් මස අග භාගයේදී පැවැත්වීමට නියමිත ශ්‍රී ලංකා ක්‍රිකට් කණ්ඩායමේ දකුණු අප්‍රිකානු ටෙස්ට් තරග සංචාරය ඉලක්ක කර ගනිමින් මෙම නොවැම්බර් මස 13 වැනිදා සිට විශේෂ පුහුණු කඳවුරක් පැවැත්වීමට ශ්‍රී ලංකා ක්‍රිකට් ආයතනය පියවර ගෙන තිබේ.

එම සංචාරය සඳහා නම් කරන ක්‍රීඩකයින් 22 ගෙන් සමන්විත පුහුණු සංචිතය දින 10 ක් මුළුල්ලේ පැවැත්වෙන මෙම පුහුණු කඳවුර සඳහා සහභාගිවනු ඇත. කොරෝනා වෛරස් තත්ත්වයෙන් සඳහා සංචිතයේ පුහුණුවීම් ‘ජෛව ආරක්ෂිත බුබුලකට’ (Bio-secure bubble) යොමු කොට පැවැත්වෙනු ඇත.

පුහුණු කඳවුර අවසන් වුණු වහාම ලංකා ප්‍රිමියර් ලීග් තරගාවලියට සහභාගිවන ක්‍රීඩකයින් සියල්ල සෘජුවම හම්බන්තොට බලා පිටත්ව යන අතර සෙසු ක්‍රීඩකයින් නොවැම්බර් 22 වැනි දින සිය නිවෙස් කරා යෑමට නියමිතය.

තරග 2 කින් සමන්විත ටෙස්ට් තරග සංචාරය සඳහා ශ්‍රී ලංකා කණ්ඩායම දෙසැම්බර් 17 වැනිදා දකුණු අප්‍රිකාව බලා පිටත්ව යන අතර පළමු තුන් දින පුහුණු තරගයට එම මස 20 වැනිදා දකුණු අප්‍රිකානු ක්‍රිකට් ආරාධිත XI සමඟ බෙනෝනිහිදී සහභාගිවනු ඇත.

දෙරට අතර පළමු ටෙස්ට් තරගය දෙසැම්බර් 26 වැනිදා හෙවත් බොක්සිං දිනයේදී සෙන්චූරිය්හි සුපර් ස්පෝර්ට් පාර්ක් පිටියේදී සහභාගිවන අතර දෙවැන්න ජනවාරි 03 වැනි දින ජොහැන්නස්බර්ග් හි වොන්ඩර්ස් ක්‍රීඩාංගණයේදී පැවැත්වෙනු ඇත.

Related posts

SLC denies allegations leveled by certain media reports

Web Admin

ආපහු ක්‍රිකට් වලට පැමිණීම භාග්‍යයක්, ඒත් පරණ වැඩ බලාපොරොත්තු වෙන්න එපා

Web Admin

දෙවැනි ටෙස්ට් තරගයත් ඉන්දියානුවෝ ජය ගනිති

Chamila Karawita