Featured LPL Media Centre News

වෛද්‍ය උපදෙස් අනුව ඕෂදට සතියක විවේකයක්

Chamila Karawita reporting from Hambantota

“My11Circle ලංකා ප්‍රිමියර් ලීග්” පන්දුවාර විස්සයි-20 ක්‍රිකට් තරගාවලිය යටතේ පැවැති තෙවැනි තරගයේදී ආබාධයකට ලක් වුණු දඹුල්ල වයිකිංග්ස් කණ්ඩායමේ ආරම්භක පිතිකරු ඕෂද ප්‍රනාන්දුට සතියක කාලයක් විවේක ගන්නා ලෙස එම කණ්ඩායම් වෛද්‍යවරයා උපදෙස් දී තිබේ.

කැන්ඩි ටස්කර්ස් පිලට එරෙහිව ඊයේ (28 දා) හම්බන්තොට සූරියවැව ක්‍රීඩාංගණයේ පැවැති තරගයේදී පන්දුවට පහර දෙමින් සිටියදී ඕෂද පාදයේ ආබාධයකට ලක් වූවේය. එහිදී ඔහුව එම්.ආර්.අයි. පරීක්ෂණයක් සඳහා යොමු කෙරුණු අතර එම වාර්තාව නිරීක්ෂණය කිරීමෙන් පසු කණ්ඩායමේ වෛද්‍යවරයා සතියක කාලයක් විවේක ගන්නා ලෙස උපදෙස් දී තිබේ.

ලකුණක් සඳහා පැති මාරු කර ගැනීමට කරන ලද උත්සාහයේදී පාදය ලිස්සා ඇද වැටීම මත ඕෂද වෛද්‍ය කාර්යය මණ්ඩලයේ සහයෝගයෙන් පිටියෙන් ඉවත්ව ගියේය. එම වාර්තාවට අනුව ඕෂධ ගේ වළලුකර ආශ්‍රිතව වූ පටක වලට හානි සිදුවී තිබෙන බවට හඳුනාගෙන තිබේ.  

දඹුල්ල වයිකිංග්ස් කණ්ඩායමේ තෙවැනි පන්දුවාරය ක්‍රියාත්මක වෙමින් පැවැති අවස්ථාවේදී ඕෂද මෙම අවාසනාවන්ත ඉරණමට මුහුණ දුන්නේය. ගාල්ලේ පිහිටි පෞද්ගලික රෝහලකින් එම්.ආර්.අයි. ස්කෑන් පරීක්ෂණයට මුහුණ දුන් ඕෂද මේ වන විට කණ්ඩායම නවාතැන් ගෙන සිටින හම්බන්තොට ෂැන්ග්‍රිලා හෝටලයට නවාතැන් ගෙන සිටියි.  

ලංකා ප්‍රිමියර් ලීග් තරගාවලිය අවසන් වත්ම ශ්‍රී ලංකා ක්‍රිකට් කණ්ඩායම දෙසැම්බර් 17 වැනිදා ටෙස්ට් තරග සංචාරයක් සඳහා දකුණු අප්‍රිකාව බලා පිටත්ව යෑමට නියමිත අතර ඒ සඳහා පිටත්ව යන ක්‍රීඩකයින් 22 දෙනාගේ සංචිතයට ඕෂධ ද ඇතුළත්ව සිටිති. ඉකුත් 2019 වසරේ පැවැති ශ්‍රී ලංකා කණ්ඩායමේ දකුණු අප්‍රිකානු සංචාරයේදී මංගල ටෙස්ට් වරම් දිනා ගන්නා ලද ඕෂධ එම තරගාවලියේදී පිතිකරුවකු ලෙසින් කැපී පෙනෙන දක්ෂතා දැක්වීමට සමත්විය. එම තරගාවලිය ශ්‍රී ලංකාව 2-0 ක් ලෙස දකුණු අප්‍රිකානු පිල ඔවුන්ගේ නිජ බිමේදීම පරාජය කිරීමට සමත්වූයේ එවැනි දස්කමක් ආසියාවෙන් කළ පළමු කණ්ඩායමට බවට පත් වෙමිනි.

Related posts

එකම තරගයකදී ශතක තුනක්

Chamila Karawita

තරගයේ පාලනය නවසීලන්තය අතට ගනියි

Web Admin

SLC honours T20 Asia Cup Champs as well as Asian Netball Champs and C’wealth athletes at felicitation ceremony under patronage of President Ranil Wickremesinghe

Web Admin