Featured LPL Media Centre News

LPL සඳහා තරග පැවැත්විය හැකි තණතීරු 10 ක්

මේ මස 26 වැනිදා සූරියවැව මහින්ද රාජපක්ෂ ජාත්‍යන්තර ක්‍රීඩාංගණයේදී ආරම්භ වන “My11Circle ලංකා ප්‍රිමියර් ලීග් – 2020” ක්‍රිකට් තරගාවලියේ භාවිතය සඳහා නිර්මාණය කර තිබෙන ප්‍රධාන විකට්ටුව තරග පැවැත්වීමට හැකි මට්ටමේ තණතීරු 10 කින් සමන්විතව නිර්මාණය කිරීමෙට ශ්‍රී ලංකා ක්‍රිකට් ආයතනය පියවර ගෙන තිබේ.

දින 21 ක් පුරා විහිදී විහිදී ඇති අභිනව LPL තරගාවලියේ පැවැත්වීමට නියමිත තරග 23, දින 15 ක් ඇතුළතදී පැවැත්වෙනු ඇත. දිගින් දිගටම එකම තණතීරුවක තරග පැවැත්වීමේදී තණතීරුව කඩොතොළුවීමේ වැඩි සම්භාවිතාවක් ඇති බැවින් මේ හරහා එම තත්ත්වය අවම කර ගැනීමට ක්‍රීඩාංගණ බලධාරීන්ට අවස්ථාව උදාවනු ඇත.  

ඒ අනුව ක්‍රීඩාංගණයේ ප්‍රධාන තණතීරුව සකස් කිරීමේ සුළු සුළු වැඩ කටයුතු හැරුණු කොට සෙසු සියළුම ප්‍රතිසංස්කරණ කටයුතු මේ වන විටත් අවසන් කිරීමට එහි වගකීම් ගෙන කටයුතු කරන අංශ පියවර ගෙන තිබේ.

“තරගාවලිය සඳහා හොඳ මට්ටමේ තණතීරු ලබා දීම සහතික කිරීම සඳහා අපි උපරිම පරිමාණය මේ සදහා භාවිතා කළා. මෙම දැවැන්ත කාර්යය අපිට සාර්ථකව ඉටු කර ගැනීමට හැකියාව පවතින බව මට විශ්වාසයි” යැයි ඒ පිළිබඳව අදහස් දක්වා සිටි ශ්‍රී ලංකා ක්‍රිකට් ආයතනයේ ජාත්‍යන්තර ක්‍රීඩාංගණ සහ එම ක්‍රීඩාංගණ පහසුකම් භාර කළමනාකරු ලෙසින් කටයුතු කරන ගොඩ්ෆි දාබරේ මහතා සඳහන් කර සිටියේය.

මෙම තණතීරු 10 ට අමතරව තරගාවලියට ක්‍රීඩා කරනු ලබන කණ්ඩායම් පහේ පුහුණු කටයුතු සඳහා රාත්‍රි කාලයේ පහසුකම් සහිත පුහුණු තණතීරු 25 ක්ද ශ්‍රී ලංකා ක්‍රිකට් ආයතනයේ පූර්ණ අධීක්ෂණය යටතේ නිර්මාණය කර තිබීම කැපී පෙනෙයි. මීට අමතරව කොවිඩ් 19 තත්ත්වය හේතුවෙන් සැලසුම් කර ඇති සෞඛ්‍ය මාර්ගෝපදේශයන්ට අනුකූල වන පරිදි පවතින ක්‍රීඩාගාර 2 ට අමතරව තවත් අළුතින් ක්‍රීඩාගාර 2 ක් ද මහින්ද රාජපක්ෂ ක්‍රීඩාංගණයේ ස්ථාපතනය කිරීමට ශ්‍රී ලංකා ක්‍රිකට් ආයතනය පියවර ගෙන තිබේ.

Related posts

LPL 2020 SET TO USHER IN NEW ERA | Colombo Kings take on Kandy Tuskers in opening game

Web Admin

බංග්ලාදේශ පිලේ ශ්‍රී ලංකා තරග සංචාරයත් කල් යයි

Web Admin

Noteworthy performances from both camps

Web Admin