England Test Tour of Sri Lanka 2021 Featured Media Centre News

ටෙස්ට් තරග 2 කට එංගලන්තය ජනවාරි මසදී ශ්‍රී ලංකාවට

කොවිඩ් 19 වසංගත තත්ත්වය දරුණු අතරට හැරීම හේතුවෙන් මෙම වසරේ මාර්තු මසදී කල් දැමුණු එංගලන්ත ක්‍රිකට් කණ්ඩායමේ ශ්‍රී ලංකා ටෙස්ට් තරග සංචාරය 2021 වසරේ ජනවාරි මසදී පැවැත්වීමට සැලසුම් කර තිබේ.

England’s captain Joe Root (L) tries to stop the ball as Sri Lanka’s Dimuth Karunaratne watches during the second day of the second Test match between Sri Lanka and England at the Pallekele International Cricket Stadium in Kandy on November 15, 2018. (Photo by ISHARA S. KODIKARA / AFP)

ලෝක ටෙස්ට් ශූරතාවලිය යටතේ පැවැත්වීමට නියමිත ටෙස්ට් තරග 2 කින් සමන්විත තරගාවලිය සඳහා එංගලන්ත ක්‍රිකට් කණ්ඩායම ඔවුන්ටම වෙන්වූ (Chartered) ගුවන් යානයකින් ජනවාරි 03 වැනිදා මත්තල ජාත්‍යන්තර ගුවන් තොටුපොළින් ශ්‍රී ලංකාවට පැමිණීමට නියමිතය.

දෙරට අතර ටෙස්ට් තරගාවලිය ලබන 14 වැනිදා ගාල්ල අන්තර්ජාතික ක්‍රිකට් ක්‍රීඩාංගණයේදී ආරම්භවීමට නියමිත පළමු තරගයට පෙර එංගලන්ත කණ්ඩායම ජනවාරි 05 වැනිදා සිට 09 වැනිදා දක්වා වූ කාල සීමාවේදී හම්බන්තොට මහින්ද රාජපක්ෂ ක්‍රීඩාංගණයේ සිය පුහුණුවීම් වල නිරත වනු ඇත.

ජෛව ආරක්ෂිත බුබුලක් යටතේ ක්‍රියාත්මක වන මෙම තරගාවලියේ දෙවැනි තරගය ජනවාරි 22 වැනිදා සිට 26 වැනිදා දක්වා ගාල්ල අන්තර්ජාතික ක්‍රීඩාංගණයේදීම පැවැත්වෙනු ඇත.

මෙම ටෙස්ට් තරග 2 ට සහභාගිවීම සඳහා එංගලන්ත කණ්ඩායම ඉකුත් මාර්තු මාසයේදී ශ්‍රී ලංකාවට පැමිණ පුහුණු තරගවලටද ක්‍රීඩා කළ නමුත් කොරෝනා වෛරස් තත්ත්වය එංගලන්තය තුළ දරුණු අතට හැරීම හේතුවෙන් කොළඹ පී. සරා ඕවල් පිටියේ පුහුණු තරගය පැවැත්වෙමින් තිබෙන අතරතුරදී තරගාවලිය නවතා දමා නැවතත් එංගලන්තය බලා පිටත්ව ගියේය.

Related posts

LPL ගනුදෙනු ගැන ශ්‍රී ලංකා ක්‍රිකට් කරුණු පහදයි

Chamila Karawita

ශ්‍රී ලංකා පිතිකරුවෝ සටනට බසිති

Chamila Karawita

Kusal Janith’s macho flair influences call up for first Test vs. England

Web Admin