Featured Media Centre News Sri Lanka Tour of South Africa 2020-21

දකුණු අප්‍රිකානු ක්‍රීඩකයෝ තෙවැනි පරීක්ෂණයෙනුත් සමත් වෙයි

ශ්‍රී ලංකාවට එරෙහිව ආරම්භ වන පළමු ටෙස්ට් තරගාවලියට සහභාගිවන දකුණු අප්‍රිකානු කණ්ඩායමේ ක්‍රීඩකයින්ට කොවිඩ් 19 වෛරසය අසාදනය වී තිබේද යන්න අද (22 දා) උදෑසන කරන ලද පරීක්ෂණයේදී කණ්ඩායමේ කිසිවකුටත් වෛරසය ආසාදනය වී නොමැති බවත් දකුණු අප්‍රිකානු ක්‍රිකට් ආයතනය නිවේදනය කර සිටියි.

ලබන 26 වැනිදා සෙන්චූරියන්හි ආරම්භ වීමට නියමිත පළමු ටෙස්ට් තරගයට පෙර කණ්ඩායමේ සිදුකරන ලද තෙවැනි පරීක්ණය මෙය වෙයි. දකුණු අප්‍රිකානු කණ්ඩායමේ සියළු දෙනා ඉකුත් සිකුරාදා දිනයේදී ජෛව ආරක්ෂිත පරිසරයට ඇතුළු කරන ලදුව ඉකුත් 20 වැනිදා ද පරීක්ෂණයක් පවත්වනු ලැබීය.

අන්තර්ජාතික ක්‍රිකට් කවුන්සිලය විසින් පවත්වනු ලබන ටෙස්ට් ලෝක ශූරතාවලිය යටතේ පැවැත්වෙන මෙම තරගාවලියට සූදානම් වීම සඳහා දකුණු අප්‍රිකානු කණ්ඩායමට ඇතුළත්ව සිටින ක්‍රීඩකයින් 19 දෙනා ම හෙට දිනයේදී පූර්ණ කණ්ඩායමක් ලෙසින් සිය පුහුණුවීම් ආරම්භ කරනු ලබන බවද එම නිවේදනයේ වැඩිදුරටත් සඳහන් වේ.

දකුණු අප්‍රිකානු කණ්ඩායම – කුවින්ටන් ඩි කොක්, ටෙම්බා බවුමා, ඒඩ්‍රියන් මාක්‍රම්, ෆෆ් ඩු ප්ලෙසිස්, ඩීන් එල්ගාර්, කේෂව් මහරාජ්, ලුංගි එන්ගිඩි, රසී වැන්ඩර් ඩුසේන්, එන්රිච් නෝර්ට්ජ්, ග්ලෙන්ටන් ස්ටූර්මන්, සරෙල් අර්වී, වියාන් මුල්ඩර්, කයිල් වෙරායින්, මිගෙල් ප්‍රෙටෝරියස්, ඩ්වයින් ප්‍රෙටෝරියස්, ලුතෝ සිපම්ලා, රේනාඩ් වැන් ටොන්ඩර්.

Related posts

ලංකාව දුන් පහසුකම් ගැන බංග්ලාදේශ නායකයාගෙන් වර්ණනාවක්

Web Admin

“අපි කළ යුත්තේ හොඳින් තරග වැදීමයි” බාහිර අභියෝගවලට පිළිතුරු දෙමින් දිමුත් කියයි

Web Admin

Two silver medals for Sri Lanka in cricket after men’s team’s loss to Bangladesh

Web Admin