Featured LPL Media Centre News

අෆ්රිඩි යයි – නව නායකයා භානුක රාජපක්ෂ

“My11Circle ලංකා ප්‍රිමියර් ලීග්” පන්දුවාර විස්සයි-20 ක්‍රිකට් තරගාවලිය නියෝජනය කරනු ලබන ගෝල් ග්ලැඩියේටර්ස් කණ්ඩායමේ නායක ශහිඩ් අෆ්රිඩි හදිසියේම අද (02 දා) රාත්‍රියේදී යළිත් පාකිස්තානය බලා යෑමට තීරණය කර තිබේ. පෞද්ගලික කාරණාවක් හේතුවෙන් ඔහු මෙම තීරණය ගෙන තිබෙන බව කණ්ඩායමේ මාධ්‍ය සඳහන් කර සිටියි.

හදිසියේම සිය රට බලා යෑමට තීරණය කර තිබීම සම්බන්ධව සිය ට්විටර් ගිණුමේ පණිවිඩයක් තබා ඇති අෆ්රිඩි, “අවාසනාවකට වගේ මට නැවතත් පෞද්ගලික කාරණාවක් හේතුවෙන් ගෙදර බලා යෑමට සිද්ධ වෙලා තියෙනවා. ඒක හදිසි තීරණයක්. තත්ත්වය නිරාකරණය කරගත් විගස මම නැවතත් එල්.පී.එල්. තරගාවලියේදී මගේ කණ්ඩායමට එකතු වෙන්න බලාපොරොත්තු වෙනවා. සියල්ලම සාර්ථක වෙන්න කියලා ප්‍රාර්ථනා කරනවා”යි යනුවෙනි.

තරගාවලියට එක්වීමේදී පැමිණීමට නියමිතව තිබූ ගුවන් යානය මඟ හැරුණු නමුත්, ගෝල් ග්ලැඩියේටර් පිල තරග වැදි පළමු තරගයේ කණ්ඩායම මෙහෙයවීමට අෆ්රිඩි අවස්ථාව උදාවිය. කෙසේ වෙතත් ඔහුගේ නායකත්වය යටතේ පැවැති තරග 3 ම ගෝල් ග්ලැඩියේටර් පිල පරාජයට පත්වීම කැපී පෙනිණ.

නැවත පැමිණෙන දිනය සම්බන්ධව නිශ්චිත සඳහනක් නොමැති වුවත්, නැවත පැමිණීමේදී දින 3 ක නීරෝධායනය කාල සීමාවකට යටත්ව සිටි නැවත කණ්ඩායමට ක්‍රීඩා කිරීමේ අවස්ථාව අෆ්රිඩිට හිමිවෙනු ඇත. කෙසේ වෙතත් කණ්ඩායම මෙහෙයවීමේ වගකීම උප නායකයා ලෙසින් කටයුතු කළ භානුක රාජපක්ෂට ලබාදීමට එම කලමනාකාරීත්වය පියවර ගෙන තිබේ.

මේ අතර දඹුල්ල වයිකින්ස් කණ්ඩායමේ විදෙස් ක්‍රීඩකයකු ලෙසින කටයුතු කළ අෆ්ටාබ් අලාම් නැවතත් ඇෆ්ගනිස්තානය වෙත බලා ගිය බව එම කණ්ඩායම මාධ්‍ය නිවේදනයනක් නිකුත් කරමින් සඳහන් කර සිටියි. පෞද්ගලික හේතුවක් මත ඔහු නැවතත් සිය රට බලා ගිය බව එම නිවේදනයේ වැඩිදුරටත් සඳහන් වෙයි. 28 හැවිරිදි වියේ පසුවන අෆ්ටාබ් දකුණතින් මඳ වේග පන්දු යවමින් ජැෆ්නා ස්ටැලියන්ස්ට එරෙහිව තරගයේදී පන්දුවාර 3 ක් යවමින් ලකුණු 22 කට එක් කඩුල්ලක් දවා ගැනීමට සමත්විය.

Related posts

“We just want to play good cricket and justify our presence in Australia” – Bhanuka Rajapaksa

Web Admin

ශ්‍රී ලංකා පිලේ උප නායකත්වය චරිත් අසලංකට

Chamila Karawita

Pathum Nissanka (137), Kusal Mendis (87) Run Riot in Sri Lanka’s spectacular 6-wkt. win over Australia

Web Admin