Featured LPL Media Centre News

වයිකින්ස් – ස්ටැලියන්ස් තරගය පන්දුවාර 7 කට සීමා වෙයි

“My11Circle ලංකා ප්‍රිමියර් ලීග්” පන්දුවාර විස්සයි-20 ලීග් ක්‍රිකට් තරගාවලියේ 15 වැනි තරගය ලෙසින් රාත්‍රියේ පැවැත්වෙමින් තිබූ ජැෆ්නා ස්ටැලියන්ස් සහ දඹුල්ල වයිකින්ස් අතර තරගයට වර්ෂාවෙන් බාධා පැමිණීම හේතුවෙන් අතර හැර දැමීමට විනිසුරුවෝ තීරණය කළහ. ඒ අනුව දෙපිළටම ප්‍රසාද ලකුණු 1 බැගින් හිමිවනු ඇත.

කාසියේ වාසිය උරගා බැලීමෙන් අනතුරුව තරගය නියමිත වේලාවට ආරම්භ කළද 7 වැනි පන්දුවාරය අවසන් වීමත් සමඟ තරගයට වර්ෂාව හරස්විය. ඒ වන විටත් පන්දුවට පහර දෙමින් සිටි දසුන් ශානකගේ නායකත්වයෙන් යුතු දඹුල්ල වයිකින්ස් කණ්ඩායම කඩුලු 3 කට ලකුණු 42 ක් ලබා සිටියේය.

ප.ව. 8.38 ට ක්‍රීඩාංගණය වසා දැමීම සඳහා වැසි ආවරණ රැගෙන එන අවස්ථාව වන විට ආරම්භක පිතිකරු නිරෝෂන් දික්වැල්ල ලකුණු 28 ක් සහ දසුන් ශානක ලකුණු 2 ක් ලබා කඩුල්ලේ රැඳී සිටියහ.

කෙසේ වෙතත් ප.ව. 9.12 පමණ වන විට වර්ෂාව නතර වූ හෙයින් වැසි ආවරණ ඉවත් කිරීමට ක්‍රීඩාංගණ සේවක පිරිස කටයුතු කළ නමුත් ඊට මිනිත්තු 15 කට පමණ පසු නැවතත් වර්ෂාව ඇද හැළින.

දිගින් දිගටම ඇද හැළුණු වර්ෂාව නතර නොවුණු හෙයින් ඒ පිළිබඳව තීරණයක් ගැනීම වෙනුවෙන් රැස් වුණු තරග තීරක සහ විනිසුරු මණ්ඩලය තරගය ප.ව.10.20 ට අතහැර දැමීමට තීරණය කළහ.

හෙට දිනය සියළුම කණ්ඩායම් වලට විවේක දිනයක් වන අතර අනිද්දා කැන්ඩි ටස්කර්ස් සහ ජැෆ්නා ස්ටැලියන්ස් අතර තරගය පස්වරුවේද ගෝල් ග්ලැඩියේටර් සහ දඹුල්ල වයිකින්ස් අතර තරගය රාත්‍රීයේද පැවැත්වෙනු ඇත.

Related posts

පාකිස්තානු සංචාරය ස්ථීර වෙයි

Web Admin

Colombo Stars Angelo Mathews brute unbeaten 73 off 38, but Jaffna Kings prevail by 6 runs

Web Admin

Nipun Dananjaya’s unbeaten 80 the highlight – SSC cakewalk win over Chilaw Marians

Web Admin