Featured LPL Media Centre News

LPL පළමු ශතකය වාර්තා කිරීමේ ගෞරවය ලෝරි එවන්ස්ට

“My11Circle ලංකා ප්‍රිමියර් ලීග් ක්‍රිකට් තරගාවලියේ පිතිකරුවකු විසින් වාර්තා කරන ලද පළමු ශතකය වාර්තා කිරීමේ ගෞරවය කලම්බු කිංග්ස් කණ්ඩායමේ ආරම්භක පිතිකරු ලෝරි එවන්ස් විසින් හිමිකර ගැනීමට අද (10 දා) සමත්විය.

ජැෆ්නා ස්ටැලියන්ස් පිලට එරෙහිව හම්බන්තොට මහින්ද රාජපක්ෂ ක්‍රීඩාංගණයේ පැවැත්වෙන තරගයේදී පන්දු 60 කදී ලකුණු 100 ලබා ගත් එවන්ස් අභිනව ප්‍රිමියර් ලීග් ක්‍රිකට් තරගාවලියට සදාතනික මතකයක් එක් කර ගැනීමට සමත්වූවේය. වනිඳු හසරංගගේ පන්දුවකට එල්ල කරන ලද පහරකින් ලකුණු 2 ක් ලබමින් ශතකය සම්පූර්ණ කරගත් දකුණත් පිතිකරුවා හයේ පහර 5 කින් සහ හතරේ පහර 4 කින් ඉනිම වර්ණවත් කර ගත්තේය. අවසන් වරට පැවැති එංගලන්ත ප්‍රාන්ත ක්‍රිකට් තරගාවලියේ සරේ කණ්ඩායම වෙනුවෙන් ක්‍රීඩා කරන ලද එවන්ස් තවමත් 33 වැනි වියේ පසුවන්නේය.

ආරම්භයේ සිට ඉනිම හමාර වන තුරුම කඩුල්ලේ රැඳී සිටි එවන්ස් පන්දු 65 කට මුහුණ දෙමින් ලකුණු 108 ක් ලබා සිටියේය. හයේ පහර 5 කින් සහ හතරේ පහර 9 කින් වර්ණවත් වුණු එවන්ස්ගේ ඉනිම ප්‍රධාන කොට නියමිත පන්දුවාර 20 අවසනදී කඩුලු 4 කට ලකුණු 173 ක් ලබා ගැනීමට  කලම්බු කිංග්ස් පිලට අවස්ථාව උදාවිය.

Related posts

Sebastianites beat Colts on first innings to set up final vs Tamil Union

Web Admin

ශ්‍රී ලංකාවට කඩුලු 10 ක විශිෂ්ඨ ජයක්

Web Admin

ටෙස්ට් 100 ක් ගහපු 6 වැන්නා වෙන මැතිව්ස්ට තරගයට පෙර ‘උපහාරයක්’

Chamila Karawita