England Test Tour of Sri Lanka 2021 Featured Media Centre News

අලී-වෝක්ස් නැතුව එංගලන්තය අද වැඩ අල්ලයි

ජනවාරි 03 වැනිදා ශ්‍රී ලංකාවට ගොඩ බැසීමෙන් අනතුරුව නීරෝධායන කාල සීමාව අවසන් කළ එංගලන්ත ක්‍රිකට් කණ්ඩායම අද (06 දා) හම්බන්තොට මහින්ද රාජපක්ෂ ක්‍රීඩාංගණයේදී සිය පළමු පුහුණු සැසිය සඳහා සහභාගිවූහ.

තුන් ඉරියව් ක්‍රීඩක මොයින් අලීට කොවිඩ් වෛරසය වැළඳී තිබෙන බවට තහවුරු වීමෙන් පසු සිදුකරන ලද පී. සී. ආර්. පරීක්ෂණයන් වලදී සෙසු ක්‍රීඩකයින්ගේ තත්ත්වය සාමාන්‍ය තත්ත්වයට පත්ව තිබීම හේතුවෙන් ඔවුන්ට අද දිනයේදී ක්‍රීඩාංගණයට ගොස් තරග කිරීම සඳහා සෞඛ්‍ය බලධාරීන්ගේ අවසරය හිමිවිය.

කෙසේ වෙතත් මොයින් අලීට අමතරව ඔහු සමඟ බර්මිංහැම් සිට හීත්‍රෝ ගුවන් තොටුපොළ දක්වා එකම මෝටර් රථයේ ගමන් කළ කළ ඇතැයි පැවසෙන ක්‍රිස් වෝක්ස්ද ස්වයං නීරෝධායනයට ලක් කර තිබීම නිසා අද පැවැති පුහුණු සැසිය ඔහුට මඟ හැරී තිබේ.

ශ්‍රී ලංකාවට එරෙහි ලබන 14 වැනිදා ආරම්භ වන ටෙස්ට් තරගාවලියට සහභාගිවීම සඳහා අතිරේක ක්‍රීඩකයින් 5 දෙනෙක්ද සහිතව එංගලන්ත කණ්ඩායම ක්‍රීඩකයින්  23 න් දෙනකුගෙන් සමන්විතය.

Related posts

Sri Lanka Squad for the Women’s World Cup Qualifier 2021

Web Admin

මාලිංගගේ සමුගැනීමට විජයග්‍රාහී සිහිවටනයක්

Web Admin

Sri Lanka in last hurrah, knockout West Indies by 20 runs

Web Admin