England tour of Sri Lanka 2020 Featured Media Centre News

එංගලන්ත පිල අද ශ්‍රී ලංකාවට

ලෝක ටෙස්ට් ශූරතාවලිය යටතේ ශ්‍රී ලංකාවට එරෙහිව පැවැත්වෙන තරග 2 කින් සමන්විත ටෙස්ට් තරගාවලියට සහභාගිවීමට නියමිත එංගලන්ත ක්‍රිකට් කණ්ඩායම අද (03 දා) ශ්‍රී ලංකාවට ගොඩබැස්සේය. ‍ක්‍රීඩකයින්ද ඇතුළුව 44 දෙනෙකුගෙන් යුත් එංගලන්ත කණ්ඩායම විශේෂ ගුවන් යානයකින් උදෑසනදී ශ්‍රී ලංකාවට පැමිණියේය.

මත්තල ජාත්‍යන්තර ගුවන් තොටුපළින් ශ්‍රී ලංකාව වෙත පැමිණි එංගලන්ත ක්‍රිකට් කණ්ඩායමේ සියළුම ක්‍රීඩකයින් ඇතුළු කාර්යය මණ්ඩලයේ සාමාජිකයෝ, එම ගුවන් තොටුපොළ පරිශ්‍රයේදී රැපිඩ් ඇන්ටිජන්ට් පරීක්ෂණයකට මුහුණ දුන්හ. කණ්ඩායමේ කිසිවකුත් කොවිඩ් 19 වෛරසය ආසාධිතයින් නොවුණු බවට තහවුරු වීමෙන් අනතුරුව ඔවුන් සියල්ල හම්බන්තොට ෂැංග්‍රිලා හෝටල් පරිශ්‍රය වෙත පිටත් කර යැවිණ.

ජෝ රූට්ගේ නායකත්වයෙන් යුතු එංගලන්ත කණ්ඩායම සහභාගිවන ටෙස්ට් තරග 2 ම ගාල්ල ජාත්‍යන්තර ක්‍රීඩාංගණයේදී පැවැත්වෙන අතර එහිදී පළමු ටෙස්ට් තරගය ජනවාරි 14 වැනිදා ආරම්භ වන අතර දෙවැනි තරගය ජනවාරි 24 වැනිදා ආරම්භ වනු ඇත.

Related posts

දඹුල්ල කඩුලු 2 ට ලකුණු 159 යි

Chamila Karawita

පළමු පෙළ ක්‍රිකට් තරගාවලි ආරම්භයේ තීරණය අති විශේෂ මහ සභා රැස්වීමෙන් අනතුරුව

Web Admin

Sri Lanka Squad for the Women’s World Cup Qualifier 2021

Web Admin