England tour of Sri Lanka 2020 Featured Media Centre News

මොයින් අලීට කොරෝනා ආසාධනය වෙයි

එංගලන්ත ක්‍රිකට් කණ්ඩායම නියෝජනය කරමින් ශ්‍රී ලංකාවට පැමිණ සිටින තුන් ඉරියව් ක්‍රීඩක මොයින් අලීට කොවිඩ් – 19 වෛසරය ආසාදනය වී තිබෙන බව එංගලන්ත සහ වේල්ස් ක්‍රිකට් ආයතනය සඳහන් කර සිටියි.

ගෙවී ගිය ඉරිදා (03 වැනිදා) ශ්‍රී ලංකාවට පැමිණි එංගලන්ත ක්‍රිකට් කණ්ඩායම, ගුවන් තොටුපොළ පරිශ්‍රයේදී පී.සී.ආර්. පරීක්ෂණවලට මුහුණ දෙන ලදුව එම පරීක්ෂණ ප්‍රතිඵල අනුව ඔහුට අදාළ වෛරසය ආසාදනය වී තිබෙන බවට තහවුරු වී තිබේ.

ඒ අනුව මෙරට පවතින නීරෝධායන නීති රෙගුලාසි වලට අනුව අලීට දින 10 ක කාලයක් ස්වයං නීරෝධායන කාලයකට යටත්ව කල් ගත කිරීමට සිදුවනු ඇත. මේ අතර ඔහු සමඟ ඉතා කිට්ටුවෙන් කටයුතු කළ ඇතැයි පැවසෙන ක්‍රිස් වෝක්ස්ටද දින 7 ක කාලයක් නීරෝධායනය වන ලෙස උපදෙස් ලැබී තිබෙන අතර ඔහුව වැඩිදුර පරීක්ෂණ සඳහා යොමු කිරීමට පියවර ගෙන තිබේ.

මෙම තත්ත්වය මත එංගලන්ත කණ්ඩායමේ සියළුම ක්‍රීඩකයින් සහ නිලධාරීන් හෙට දිනයේදී (05 දා) නැවතත් සිය දෙවැනි පී. සී. ආර්. පරීක්ෂණවලට භාජනය වීමට නියමිතව තිබේ. තරග 2 කින් සමන්විත තරගාවලියකට ක්‍රීඩා කිරීම සඳහා මෙරටට පැමිණ සිටින එංගලන්ත කණ්ඩායම ලබන 06 වැනිදා සිය පළමු පුහුණු සැසිය හම්බන්තොට මහින්ද රාජපක්ෂ ක්‍රීඩාංගණයේදී ආරම්භ කිරීමට බලාපොරොත්තුවෙන් පසුවේ.

Related posts

මෙන්ඩිස් සහ අසලංක කොළඹ ජය ඉක්මන් කරති

Chamila Karawita

බංග්ලාදේශ යොවුන් පිල 2-0 ක් ලෙස තරගාවලියේ ඉදිරියට එති

Web Admin

ලෝක කුසලානෙට පෙර සූදානම් වීමේ අදහසින් යොවුන් පිල හෙට බංග්ලාදේශයට

Web Admin